Apeqqutit akissutillu

Kikkut qinnuteqarsinnaappat?

Aningaasaliissutinut qinnuteqarsinnaapput suliffeqarfiit, inuit ataasiakkaat aammalu soqutigisaqaqatigiittut immikkut suliniuteqarlutik kattussimasut.

Qanoq amerlatigisunik qinnuteqartoqarsinnaava?

Aningaasaliissutinut ukiumut 685.000 koruunit immikkoortinneqarput, aammalu qanoq amerlatigisunik qinnuteqartoqarsinnaaneranut pisortatigoortumik amerlanerpaaffissaliisoqanngilaq. Suliniutinut tapiissutit 100.000 koruunit sinnerlugit amerlassusillit Aningaasaqarnermut Inuussutissarsiornermullu Ataatsimiititamit akuersissutigineqartassapput, taamaattumik taamaattoqartillugu sivisujaamik suliarinnittoqartarnissaa naatsorsuutigineqartassaaq.

Suliniutit 50.000 koruunit sinnerlugit aningaasaliiffigineqartut immikkoortukkaarlugit agguataarneqarsinnaapput, taamaasillutik aningaasaliissutit suliap uppernarsaatitalimmik ingerlalluartiginera tunngavigalugu kittaarlugit tunniunneqartarsinnaallutik.

Nammineerluni akiliisoqarnissaanik piumasaqaateqartoqarsinnaavoq.

Tapiissutit ilusaat piumasaqaataasullu pisuni ataasiakkaani tamani isumaqatigiissutigineqartassapput.

Aningaasaliissutit ilaat aningaasaliissutini utertinneqartussatut piumasaqaatitalerlugit tunniunneqartarumaarput, tamannalu pisassaaq suliniut aningaasaqarnikkut iluatsitsinermik kinguneqarpat.

Suliniutinni nalilersuutit suut naammassineqassappat?

Suliniummi najukkami aalajangersimasumik takornarialerinermik suliaqartup imaluunniit taassuma sullissinerata (suliaasa) annertusineqarnissaanut aningaasaliissutit, unammilleqatigiinnermut equsoortitsisussaanngitsumik imaluunniit Tunumi takornarialerinermi sulianut najoqqutassanut pitsanngorsaanissamut atorneqassapput.

Tunisassiornissaq imaluunniit sullissinissaq suliniummut ilaatinneqarpata, tunisassiassaq imaluunniit sullissinissaq sapinngisamik Tunut ingerlanneqassaaq.

Suliniummi inatsisit atuuttut malinneqassapput, tassunga ilanngullugu avatangiisit eqqarsaatigalugit imminut illersorsinnaasumik suliniuteqarneq

Suliniutigineqartoq piaakannersumik imminut akilersinnaasunngortinneqassaaq (Tunumi takornarialerinermi najoqqutassat tamanut atuuttut pitsanngorsarneqarnissaat siunertaralugu suliniutaanera aatsaat pineqanngippat).

Aningaasaliissutit sumut atuutinngillat?

Akiliutinut tapiisoqartanngilaq.

  • Ingerlatsineq
  • kulturikkut suliniutit.
  • suliniutit unammillernikkut equtitsisussaasut.
  • Akiitsunik akilersuinermut

Qanoq ililluni qinnuteqartoqartarpa?

Qinnuteqarfissaq immersorneqassaaq taannalu Kommuneqarfik Sermersuumi Ineriartortitsinermut Piujuartitsinermullu Allatseqarfimmut nassiunneqassaaq. Taamaaliorsinnaavutit mailikkut uunga allallutit inpi@sermersooq.gl imaluunniit allakkerisarfikkut uunga allallutit:

Kommuneqarfik Sermersooq
Ineriartortitsineq piujuartitsinerlu
Kuussuaq 2
Postboks 1005
3900 Nuuk

Qinnuteqaatiga sunik imaqassava?

Qinnuteqaat minnerpaamik qinnuteqaatitut immersukkamik imaqassaaq. Suliassamut erseqqissaatissanik paasissutissanik allanik peqaraanni iluaqutissatut taakkua ilanngunneqarsinnaapput. Qinnuteqaat sanaartornermi teknikkimut tunngappat, akuersissutit eqqortut ilanngunnissaat eqqaamaneqassaaq (assersuutigalugu nunaminertamik atuinissamik akuersissut aammalu sanaartornissamut akuersissut)

Qinnuteqarnermi immersugassaq sumut aasinnaavara?

Qinnuteqaat

Qinnuteqaat qaqugu kingusinnerpaamik tunniunneqassava?

1. Februaari

1. Maaji

1. Oktobari

Qaqugu akissutisissaanga?

Qinnuteqaatip kingusinnerpaamik tunniunneqarfissaa qaangiuppat qaammatip ataatsip miss akineqarnissat naatsorsuutigisinnaavat.

Aningaasat tigoreerukkit:

Aningaasat tigoreerukkit, qinnuteqaammi tunngavilersuutigineqartut aningaasaliissutigineqartullu naapertorlugit atorneqassapput. Allannguuteqartoqassappat Ineriartortitsinermut Piujuartitsinermullu Allatseqarfik attavigissavat, qanoq ilioqqinnissaannik siunnersorsinnaaniassammatsit.

Akulikitsiumik Ineriartortitsinermut Piujuartitsinermullu Allatseqarfimmut suliap ingerlanera pillugu nalunaaruteqartarit.

Suliaq naammassippat (kingusinnerpaamik qinnuteqaatip akuerineqarneraniit qaammatit 12-it qaangiunneranni) aningaasaliissutigineqartut pillugit naatsorsuusiortoqassaaq aammalu nalunaarusiornissamut immersugassaq atorlugu allakkatigut nalunaarusiortoqarluni.

Atortussanik pisisimagaanni imaluunniit suliap ilaa allannguuteqarsimappat taakkua assilineri ilanngullugit nassiunneqassapput.

Sulisut pikkorissartinneqarnissaannut tapiiffigineqarnissamik qinnuteqaateqartoqarsimappat imaluunniit pikkorissarnissamut allamut tunngasumik, pikkorissarnermit uppernarsaat ilanngullugu nassiunneqassaaq.

Suliassat anginerit pineqarpata, tamanna iluaqutitut kittaartumik ingerlanneqarsinnaavoq, suliap naammassiartornera ilutigalugu.

Piffissaliussat

Suliassaq akuersissutigineqareerluni kingusinnerpaamik ukioq ataaseq qaangiuppat naammassereersimassaaq, taavalu kommunimi Ineriartortitsinermut Piujuartitsinermullu Allatseqarfik qinnuteqaatip akuersissutigineraniit kingusinnerpaamik qaammatit 14-it qaaniunneranni nalunaarusiamik tunineqareersimassaaq.

Nalunaarusiorneq qanoq isikkoqassava?

Nalunaarusiornermut minnerpaamik nalunaarusiornermi immersugaq ilanngunneqassaaq, naatsorsuutinullu ilanngunneqassapput akiliutinut uppernarsaatit akiligassiissutillu tamarmik.

Atortussanik pisisimagaanni imaluunniit suliap ilaa allannguuteqarsimappat taakkua assilineri ilanngullugit nassiunneqassapput.

Sulisut pikkorissartinneqarnissaannut tapiiffigineqarnissamik qinnuteqaateqartoqarsimappat imaluunniit pikkorissarnissamut allamut tunngasumik, pikkorissarnermit uppernarsaat ilanngullugu nassiunneqassaaq.

Suliassat anginerit pineqarpata, tamanna iluaqutitut kittaartumik ingerlanneqarsinnaavoq, suliap naammassiartornera ilutigalugu.

Nalunaarusiornermut immersugassaq sumut aassavara?

Nalunaaruteqarfik

Siunnersorneqassaguma aqqutissiuutitissagumalu sumut saaffiginnissaanga?

Suliniutip ilusilersorneqarnerani siunnersuisinnaallutalu ilitsersuisinnaavugut. Imaassinnaavoq tapiissutitut aningaasaliissutinit tapiissuteqarnissamut periarfissanik siumut nalilersuinissamut suliniutip naatsumik titartarneqarnera Ineriartortitsinermut Piujuartitsinissamullu Allatseqarfimmut nassiunnissaa isumassarsiatsialaasoq. Titartagaq isumassarsiamik sukumiinerusumik oqaluuserineqarnissaanut tunngavissiissaaq.

Ineriartortitsinermut Piujuartitsinermullu Allatseqarfik uunga attavigineqarsinnaavoq inpi@sermersooq.gl

Suliniutissatut siunnersuutit atinik taasaqarani oqaluuserineqassaaq aamma piginnittussaatitaanermut tunngasinnaasut ataqqineqassapput.

Siusinnersusukkut suut qinnuteqaatigineqarsimanerinik assersuutit:

Siusinnerusukkut qinnuteqaatigineqarnikuupput tummeqqat imaanut atasut, angallammik ingerlatitsisutut ilinniarnerit, issiaviit takisuut puttasullu, taamaallaalli takorluuisinnaaneq killiliisarpoq. Taamaammat immersugassaq aaniaruk qinnuteqarlutillu imaluunniit allaffigitigut isumassarsiat allaaseralugu, taava periarfissat pillugit oqaloqatigiissaagut.