Politikki

Malinnaagit peqataallutillu kommunimi politikkikkut aqutsinerup sunniuteqaqataaffiginissaanut

Kommuneqarfik Sermersuup siunertaraa innuttaasut inuussutissarsiornikkullu suliallit pitsaasumik atugassaqarlutik sullinneqarnissaat.
Kommune inuit qinigaannit, borgmesteri siulersortigalugu, ulluinnarni allaffissornikkut aqutsinermi aqunneqarpoq. Tamatumuunakkut paasissutissiineq aqqutigalugu periarfissinneqarputit malinnaanissannut aamma politikkikkut aqutsinermut sunneeqataanissannut.
Kommuneqarfik Sermersuup siulersuisuinik ataatsimiititaliaanillu qinersineq pisarpoq ammasumik demokrati tunngavigalugu qinersinertigut. Qiniassat politikkikkut partiinut ilaasortaasinnaapput imalunniit ataasiakkaarlutik qinigassaasinnaallutik.

Kommunalbestyrelsi 19-nik inuttaqarpoq ukiuni sisamani qinigaaffeqartartuni. Ilaasortat kommunip ulluinnarni aqunneqarnera isumagaat, ataatsimiititalianut siulersuisunullu ilaasortaanerit ilanngullugit.

Kommunip iluani sisamanik nunaqarfinni aqutsisoqarpoq, taakkulu kommunip nunaqarfiini arfineq-pingasuusuni aqutsineq isumagaat.