Kommunalbestyrelsi

Kommuneqarfik Sermersuumi kommunalbestyrelsi 19-nik ilaasortaqarpoq. Kingullermik 2017-mi qinersisoqarnerani Inuit Ataqatigiit (9), Siumut (7), Demokraatit (2) Suleqatigiisitsisullu (1) ilaasortaatitaqalerput.

Kommunalbestyrelsimi ataavartunik 5-nik ataatsimiititaqarpoq. Aningaasaqarnermut Inuussutissarsiornermullu Ataatsimiititaq, Sanarfinermut Avatangiisinullu Ataatsimiititaq, Meeqqanut Ilaqutariinnullu Ataatsimiititaq, Meeqqanut Atuarfeqarnermullu Ataatsimiititaq kiisalu Suliffeqarnermut Isumaginninnermullu Ataatsimiititaq.

Nunaqarfimmi aqutsisut

Nunaqarfinni aqutsisut nunaqarfiit immikkuullarissusaat aallaavigalugit politikikkut allaffissornikkullu aalajangiinerni ilaatinneqarnissaat qulakkiissavaat.

2013-imi maajip ulluisa aappaanni nunaqarfinnut aqutsisunut ilaasortat 18-it qinerneqarput. Nunaqarfinni aqutsisut qinigaaffiat 2017-imi apriilimi kommunalbestyrelsimut qinersinissap tungaanut atuuppoq.

Nunaqarfinni aqutsisut nunaqarfiit immikkuullarissusaat aallaavigalugit politikikkut allaffissornikkullu aalajangiinerni ilaatinneqarnissaat qulakkiissavaat.

Ilaasortat 18-iusut ataatsimoorussamik aqutsisunut pingasunut aqutsisoqatigiinnullu ataatsinut agguarsimapput.

Najukkami ataatsimiititaliat

Oqartussaaqataanerup annertusarneqarnissaa aamma innuttaasut kommunimilu qinikkat oqartussallu akornanni najukkami attuumassuteqartunik apeqqutinut tunngatillugu ammasumik oqaloqatigiittoqarnissaa Najukkami Ataatsimiititaliap siunertarivaa.

Najukkami innuttaasut, peqatigiiffiit kommunimilu qinikkat suleqatigalugit suliniutinik sammisassaqartitsinikkullu aallarnisaassapput najukkami ineriartorneq nukittorsarumallugu. Assersuutigalugu suliniutit najukkap tunngaviinut avatangiisianullu pitsaanerulersitsisut, aamma suliniutaasinnaapput peqqinnermut, angallannermut, timersornermut, atuarfeqarnermut, meeqqanut, inuusuttunut, utoqqarnut, kulturimut sunngiffeqarnermullu tunngasut.

Tamatumalu saniatigut Kommunalbestyrelsip Najukkami Ataatsimiititaliaq Kommuneqarfik Sermersuumi sumiiffinnut assigiinngitsunut tunngasunik apeqqutinik aalajangiussanillu saaffiginnissapput.

Paamiuni, Tasiilami Ittoqqortoormiinilu 2015-imiilli Najukkami Ataatsimiititaliaqarpoq.
Oktobari 2018-imi aamma Nuummi Najukkami Ataatsimiititaliaq ivertinneqarpoq.

Paamiuni, Tasiilami aamma Ittoqqortoormiini qinigaaffik januaari 2023-p tungaanut atuutissaaq. aamma Nuummi Najukkami Ataatsimiititaliaq oktobari 2021-p tungaanut atuutissaaq.

Ilaasortat 23-t illoqarfinnut sisamanut agguagaapput:
Paamiut – ilaasortat tallimat
Ittoqqortoormiit – ilaasortat pingasut
Tasiilaq – ilaasortat tallimat
Nuuk – ilaasortat qulit

Tamatumalu saniatigut Kommunalbestyrelsip Najukkami Ataatsimiititaliaq Kommuneqarfik Sermersuumi sumiiffinnut assigiinngitsunut tunngasunik apeqqutinik aalajangiussanillu saaffiginnissapput.

Paamiuni, Tasiilami Ittoqqortoormiinilu 2015-imiilli Najukkami Ataatsimiititaliaqarpoq.
Oktobari 2018-imi aamma Nuummi Najukkami Ataatsimiititaliaq ivertinneqarpoq.

Paamiuni, Tasiilami aamma Ittoqqortoormiini qinigaaffik januaari 2023-p tungaanut atuutissaaq. aamma Nuummi Najukkami Ataatsimiititaliaq oktobari 2021-p tungaanut atuutissaaq.

Ilaasortat 23-t illoqarfinnut sisamanut agguagaapput:
Paamiut – ilaasortat tallimat
Ittoqqortoormiit – ilaasortat pingasut
Tasiilaq – ilaasortat tallimat
Nuuk – ilaasortat qulit

Ataatsimiititaliat ataasiakkaat ataanni, attaveqarfissatut paasissutissat aamma oqaluuserisassat ataatsimiinnermilu imaqarnialiat takusinnaavatit.