Lone Rosengreen Pedersen ·
Lone Rosengreen Pedersen
Ingerlatsivimmi misissorneqarsimanerluni, aallaasit misilerarnissaannut sumi ooqattaasarfissamik pilersitsisoqarsinnaanersoq?
Uppernarsineqassappat, ooqattaasarfiliornissap qanoq akeqarnissaa misissorneqarsimava?
The administration's answer ·
The administration's answer
Asasara Lone Rosengren Pedersen
Inissialiorneq pillugu apeqqutigisatit pillugit qujanaq matumuunalu akissuteqarfigineqassapput.
Taannarpiaq pillugu innuttaasumit siunnersuut ataaseq siorna pissarsiarinikuuarput.
Siunnersuutigineqartoq susassaqartitsinermut immikkoortortamit suliarineqarpoq, tassungali tunngatillugu politiit allaqatigilaartarsimavagut.
Politiit allaqatigisarsimavagut illoqarfiup qanittuani ooqattaasarnissamut misileraaffissamik pilersitsinissamut inatsisitigut periarfissat qulaajarniarlugit.
”Politiit ileqqoreqqusaanni” maannakkut atuuttumi unammissutitut ooqattaasarnerup saniatigut allanik ooqattaasarfiliortoqarnissaanik politiit akuersinissamut periarfissaqartinneqanngillat. Aamma uagut politiit ileqqoreqqusaannik unioqqutitsisoqarnissaanut immikkut ittumik akuersissuteqarsinnaanngilagut. Aamma Politiit ileqqoreqqusaanni aalajangersarneqarpoq, qoorortuunik, timmiarsiutinik, luftbøssenik tigumiartakkanillu allanik inoqarfiit iluanni sakkulersorneq inerteqqutaasoq. Taamaattumik timmiarsiutinik ooqattaasarnissamut misileraanerit nalinginnaasumik inoqarfiit avataanni pisarnissaat innersuussutigineqartarpoq.”
Inussiarnersumik inuulluaqqusilluta
Hans Ulrik Skifte
Sanarfinermut Avatangiisinullu Ingerlatsivimmi pisortaq