Harald Bianco ·
Harald Bianco
Ukiup siuliani 2021-mi pilersaarutaavoq Tasiilami nunaqarfiillu ilaanni ikaanik saarullinnik panersiivissanik nappaatiterisoqassasoq. Suliaq sumut killippa? Atortussat Tasiilamut apuutereerpat?
The administration's answer ·
The administration's answer
Asasara Kommunalbestyrelsimut ilaasortaq Harald Bianco, (IA).
Siullermik apeqqutigisannut qujanarujussuaq.
Ulloq 19. januaari 2022-mi allaffeqarfimmut apeqquteqaammik nassiussaqarputit uunga tunngasoq “Tasiilami nunaqarfinnilu aalisakkanik panertitsiviit, ikaat“.
Apeqqutit imaattoq Suliffeqarfimmut Kiffartuussivimmit tiguneqarpoq:
“Ukiup siuliani 2021-mi pilersaarutaavoq Tasiilami nunaqarfiillu ilaanni ikaanik saarullinnik panersiivissanik nappaatiterisoqassasoq. Suliaq sumut killippa? Atortussat Tasiilamut apuutereerpat?”
Suliffeqarfimmut Kiffartuussivik ima akissuteqarpoq:
Asasarput Harald,
“Siornaak Sermersooq Businessip Arctic Prime Fisheries Kuummiini aalisakkerivimmik piginnittuusoq ingerlatsisuusorlu Tasiilami eqqaanilu aalisakkat angisuunut tunngatillugu suliniuteqalernissaq pillugu oqaloqatigaa, tassanilu Tasiilami eqqaanilu nunaqarfiit ilaanni aalisakkanut panertitsivinnik ikaanik pisinissamut nappaanissamullu tunngasut oqaloqatigiinneq pineqarput.
Ajoraluartumik aalisakkerivik aporfilersorneqalerpoq, ilaatigut Kuummiini aalisakkerivik matuissanersoq piffissami sivisuumi oqaatigineqarsinnaanani.
Sermersooq Businessip Arctic Prime Fisheries oqaloqatigaa ilaatigut panertitsiviit napparneqartussat Arctic Prime Fisheriesimi sulisuusimasumit aamma Sermersooq Businessimi atorneqartinneqartuusimasumit isumaqatigiissutaasoq oqaloqatigiissutaalluni.
Suliniut ingerlatiinnarneqassasoq aalajangiunneqarpoq, aammalu ikaat qanorluunniit pisoqaraluarpat pisiarineqassasut.”
Inussiarnersumik inuulluaqqusillunga
Ole Jakobsen
Kommunaldirektøri