Dorthe-Marie Mogensen-Fontain ·
Dorthe-Marie Mogensen-Fontain
Uani paaserusuppara tasiilami alivarpimmi pisortaasoq pillugu saaffiginnissutaasimasut pillugit paasisaqarusullunga. Paasisakka malillugit saaffiginnissutit 17-nik tiguneqarsimanerarmassuk, annertuallaarujussuaqaaq. Taamaattumillu suliffigissaanissamut suut paasissutissat aamma pigineqarpat? Qanorlu iliuuseqartoqarpa?
The administration's answer ·
The administration's answer
Asasara Dorthe-Marie,
Qujanaq allaffeqarfimmut apeqqutinnut.
Uani paaserusuppara tasiilami alivarpimmi pisortaasoq pillugu saaffiginnissutaasimasut pillugit paasisaqarusullunga. Paasisakka malillugit saaffiginnissutit 17-inik tiguneqarsimanerarmassuk, annertuallaarujussuaqaaq. Taamaattumillu suliffigissaanissamut suut paasissutissat aamma pigineqarpat? Qanorlu iliuuseqartoqarpa?
Ataani apeqqutitit akissuteqarfigissavakka.
Ataatsimut oqaatigalugu Tasiilami Alivarpi assigiinngitsunik suliniuteqarfigineqarpoq, atuarfimmi sulisut meeqqanik ajornartorsiuteqartunik il il. sullissisut atugarisaannik ikorfartuutaasussanik. Matumani oqaatigineqarsinnaavoq, atuarfik illoqarfinni atuarfinni atuuttumik ataasiinnaanngitsumik, marlunnik viceskoleinspektøreqarpoq. Tamatuma saniatigut atuarfimmi allatsit marluupput, ataasiinnaanani, aammalu atuarfik nutserisoqarpoq.
Taava aamma suliniutit marluk aningaasaliiffigineqarnikuupput, tamarmik atuartut ilinniartitsisullu ingerlalluarnerulersinnissaannut iluaqutaasussat, kiisalu pingaartumik atuartut sanngiinnerusut ilikkartinniartarnerinik annertusaataasussanik. Tassaavoq suliniut Naasunnguaq, atuarfimmi atuartut siuarsarneqarnissaannut inuunerissuunissamullu ineriartornerini pitsaassutsimik qaffassaanissamut qulakkeerisussaq. Ineriartornissamut ilikkariartornissamullu inuunerissuuneq pingaaruteqarluinnartuuvoq. Taava aamma sulisut KRAP-imik pikkorissarnissaannik neqeroorfigineqarnikuupput, taanna periusaavoq, ilaatigut sulisut inoqatinut akuersaartumik nukissanillu qitiutitsisumik suleriaaseqarnissaannut. Suliniutit tamakkua ajornanngippat sulisut ulluinnarni nukissaqarnerulernissaannik kinguneqassapput.
Piffissami kingullermi atuarfiup artukkerneqartarneranut atatillugu, ingerlatsivik suliniutinik annertunerusunik aallartitsinikuuvoq, toqqaannartumik atuarfimmi aqutsisunut atuarfiullu iluani sulisunut kiisalu atuarfimmi suleqatigiinnermut attaveqaateqarnermut tunngatitanik. Atuarfiup pisortaata taassumalu tullersortaata ataatsip immikkut aqutsisutut pikkorissartinnerisa saniatigut, taava aqutsisoqatigiit aqutsinermut ineriartortitsinermut pikkorissartitsisarnerit aallartippaat, atuarfimmi inspektørit pingasut trinlederillu peqataaffigisaannik. Aqutsisutut ineriartornerup taassuma, qaammatini pingasuni ingerlanneqarsimasup siunertaraa, atuarfimmi sulisunut tamanut sullivimmi avatangiisit pitsaasut ineriartuutaasullu pilersinneqarnissaat, sulinermi nuannaarneq sivisuumillu sulisorineqarsinnaasut qitiutillugit. Tamatuma kingunerisaanik patajaatsumik, tikinneqarsinnaasumik ammasumillu aqutsisoqarneq pilersissavaa. Aqutsisutut ineriartortitsineq januaarimiit marsimut ingerlanneqarpoq, taamaasillunilu naammasseqqammerluni, sulili nalilersuiffigineqarani.
Aqutsisutut ineriartortitsinermut malitseqartitsissutitut ingerlatsiviup MTU (Sulisut akornanni iluarisimaarinninnermik misissuinerup) malitseqartinneqarnissaa misissorlugu aallartippaa, Kommuneqarfik Sermersuumi 2020-mi aallartinneqartoq. Malitseqartitsineq taanna Aaqqissuussaanermut Ineriartortitsinermullu immikkoortortaqarfik suleqatigalugu suliarineqassaaq, taamaasillutik ingerlaannartumik assersuunneqarsinnaaniassammata. Kisianni aamma apeqqutit ilaatinneqassapput, maannakkorpiaq atuarfimmi pisumut tunnganerusut.
Sulisut iluarisimaarinninnerinik misissuineq MTU atorlugu sullivimmi atukkat paasilluarneqarsinnaapput, taavalu qanorpiaq iliuuseqartoqarnissaanik ersarinnerulersitsissalluni.
Inussiarnersumik inuulluaqqusilluta
Lone Nukaaraq Møller
Pisortaq
Meeqqanut Atuarfeqarnermullu Ingerlatsivik