Justus Hansen ·
Justus Hansen
Asasarput Kommunalbestyrelsimut ilaasortaq, Justus Hansen (D)
Siullermik apeqqutigisannut qujanarujussuaq.
Ulloq 7. September 2022 Namminersorlutik Oqartussat Tasiilami inuusuttunut inissialiornissaat pillugu allaffeqarfimmut apeqquteqaammik nassiussaqarputit..”
Sanarfinermut Avatangiisinullu Ingerlatsiviup apeqqutitit tiguai, imaattut:
” Tusarpara Tasiilami Namminersorlutik Oqartussat inuusuttunut inissialiorniartut.
1: Tamanna ilumoorpa?
2: Taakku sumi sanaartorneqassappat?
3: Nunaminertami qanoq angitigisumi?
4: 1-2-3-nik initallit?
5: Sanaartorfigissaaneq?
6: Kommuni aningaasaleeqataassava?
7: Tamanna ataatsimiititaliani naleqquttuni oqaluuserineqarsimava, aamma qanga?
8: Ukioq suna aallartinneqassappat naammassineqassallutillu?
9: Ulloq suliarinnittussarsiuussiffissaq?
Tunngavilersuut:
Suliaq sanarfinermut ataatsimiititaliami imaluunniit AIA-mi oqaluuserineqarsimanersoq eqqaamanngilara?
Tamanna Tasiilap najukkami ataatsimiititaliaanit tusarpara.”
The administration's answer ·
The administration's answer
Sanarfinermut Avatangiisinullu Ingerlatsivik ima akissuteqarpoq:
Asasara Justus Hansen
Qujanaq Namminersorlutik Oqartussat Tasiilami inuusuttunut inissialiornissaat pillugu apeqquteqarninnut.
Aap, ilumoorpoq inuusuttunut inissialiornissamut nunaminertassanik sanaffissartaliisoqarsimavoq. Nunaminertamik atuinissamut akuersissummik suli qinnuteqartoqarsimanngilaq.
Inissianut 4-nut nunaminertamik katillugu 199,2 m2-inik ataatsimut 49,8 m2-inik immikkut tamanut qui 5,2 m2-i ilanngullugit nunaminertamik atuinissamut akuersissummik qinnuteqartoqarsimavoq. Inissiat taakku 4-t 1-imik initalittut sanaartorneqassapput. Inissisimaffissaq Tasiilami sumiiffiup ilaani C6-miissasoq isikkussamik pilersaarummi kakkiussami takuneqarsinnaavoq.
Aqqusinniortoqareersimavoq aamma pilersuissutit pilersinneqareersimallutik, taamaattumik sanaartorfigissaasoqassanngilaq.
Titartaasarfik Qarsoq sanaartortitsisut Namminersorlutik Oqartussat sinnerlugit qinnuteqarsimapput. Kommuni suliniummut aningaasaleeqataasimanngilaq, tamanna namminersorlutik oqartussat kisimiillutik suliassarimmassuk.
Nunaminertanut oqartussat suliamik suliarinninnerminni qinnuteqaat politikerinut saqqummiunneqassanngitsoq nalilersimavaat, kommunimut pilersaarummi atuuttumi sumiiffimmut sanaartorfissatigut sinneruttoqarmat.
Suliamik suliarinninnermi sanilit tusarniaavigineqarsimapput aamma sanilit pineqartut illua’ tungiusup isumaanik tusarniaavigineqarsimallutik, tusarniaassutini titartakkat ilanngullugit saqqummiunneqarsimallutik.
Ukioq suna aallartitsisoqarnissaanut naammassinninnissamullu apeqqutinnut, ilisimatitsissutigisinnaavarput nunaminertassamik tunineqareerpata taava piffissami killiliussat tulliani allassimasut ukuussapput:
Nunaminertassamik tunineqareernermi ukiup ataatsip iluani sanaartornissamut akuersissummik qinnuteqaammik nassiussisoqassaaq.
Nunaminertasamik tunineqareernermi ukiut marluk iluanni sanaartorneq aallartinneqassaaq.
Suliarinnittussarsiuinissaq ulloq suna pissanersoq apeqqutinnut tunngatillugu tamanna sanaartortitsisup kisimi suliassaraa. Kommunip suliassaraa suliniummut nunaminertamik tunniussinissaq aamma sanaartornermut oqartussaqarfiunissaq. Nunaminertamik tunniussisoqareernerata kingorna sanaartornissap aallartinnissaanut piffissami killissarititaasut pillugit akissutit qulaaniittut inussiarnersumik innersuutigaakka.
Inussiarnersumik inuulluaqqusillunga
Hans Ulrik Skifte
Sanarfinermut Avatangiisinullu Ingerlatsivimmi pisortaq