Dorthe-Marie Mogensen-Fontain ·
Dorthe-Marie Mogensen-Fontain
Asasara Kommunalbestyrelsimut ilaasortaq, Dorthe-Marie Mogensen-Fontain (S).
Siullermik apeqqutigisannut qujanarujussuaq.
Ulloq 13. februaari 2023 “Paamiuni neqitsersuisarfiup Suliap killiffianik paasiniaaneq” pillugu allaffeqarfitsinnut apeqquteqaateqarputit.
Apeqqutit imaattoq Suliffeqarfimmut Kiffartuussivimmit tiguneqarpoq:
”Paamiuni ukioq manna Pilersaarutaavoq nutaamik neqitsersuisarfik aammalu sullivimmik pilersitsisoqarnissaa suliaq tamanna sumut killippa?”
The administration's answer ·
The administration's answer
Sanarfinermut Avatangiisinullu Ingerlatsivik ima akissuteqarpoq:
Asasarput Dorthe-Marie Mogensen-Fontain
Siullermik Paamiuni neqitsersuisarfiup Suliap killiffia pillugu apeqqutinnut qujanaq. Pilersaarut 2023-mi 2024-milu 3,5 mio.-inik missingersuusiorneqarpoq, katillugit 7 mio.-it.
Marloqiusamik aningaasalersueriaaseq ingerlatsivimmi malinneqarpoq, pilersaarummik misissueqqaarneq pisarpoq, taamaalilluni missingersuutit eqqornerusut pisinnaaqqullugit pilersaarutillu amerlanerusut naammassineqarsinnaaqqullugit.
Neqitsersuisarfiliornissamut misissueqqaarneq maanna ingerlavoq. Pilersaarummut siunnersuusiaagallartumik peqarpoq, taannalu missingersuutaasuniit akisuneruvoq, arlalinnillu aaqqitassartaqarluni. Misissueqqaarnertai naammassineqariarpata sanaartornermut aningaasaliissutinik atuutilersitsinissamut suliamik saqqummiussaliorneq ingerlatsivimmi suliarineqassaaq. Tamanna 2023-p ingerlanerani pissasoq naatsorsuutigineqarpoq. Tamatuma kingorna pilersaarut suliariumannittussarsiuunneqassaaq.
Inussiarnersumik inuulluaqqusilluta
Hans Ulrik Skifte
Sanarfinermut Avatangiisinullu Ingerlatsivimmi pisortaq