Peter Davidsen ·
Peter Davidsen
Asasarput Kommunalbestyrelsimut ilaasortaq, Peter Davidsen (S)
Siullermik apeqqutigisannut qujanarujussuaq.
Ulloq 28. aggusti 2023-mi “Kangerluaarsussuarmi Eqalunni nunaminertamik atuineq” pillugu allaffeqarfitsinnut apeqquteqaateqarputit. Sanarfinermut Avatangiisinullu Ingerlatsiviup apeqqutit tiguaa, imaattoq:
”Piffissami kingullermi tusaamalerpara aasaq naallugu Kangerluaarsussuarmi Eqalunni takornarissanut eqalunnik aalisariartitsinerit ingerlanneqartartut.
Eqalunni tuperpaaluit takornarissanut atugassat napparneqarsimasut paasivara aamma FB-mi tamanna taqqavaniissimasunik eqqartorneqarpoq. Tuperfiup avataani angallat angisooq Nuummeersoq qitiusitut atorneqartoq aamma oqaatigineqarpoq.
Paaserusuppara nunaminertamik takornarissanut atuinissamik Kangerluaarsussuarni Eqalunni SAI-mik tunniussisoqarsimanersoq?”
The administration's answer ·
The administration's answer
Asasara Peter Davidsen,
Kangerluaarsussuarmi Eqalunni nunaminertamik atuineq pillugu apeqqutinnut qujanaq.
Suliaq ingerlatsivimmiit misissorneqarpoq paasissutissiissutigisinnaallugulu nunaminertamik atuinissamut ingerlatsivimmiit tunniussisoqarsimanngimmat Kangerluaarsussuarmilu Eqalunni takornarianut akuersissummik tunniussaqartoqarsimanngitsoq.
Eqqaaneqarsinnaavorli takornariaqarnermut nunamilu unnuinissamut atatillugu tupernissamut nunaminertamik atuinissaq qinnutigineqartariaqanngitsoq. Takornarialerisoq sumiiffimmi eqalunniartitsinissamik akuerisaanersoq Namminersorlutik Oqartussat ataanniippoq tamatumunngalu tunngasoq ingerlatsivimmiit ilisimaarinngilarput.
Inussiarnersumik inuulluaqqusillunga
Søren Sohn Krog Pedersen
Sanarfinermut Avatangiisinullu Ingerlatsivimmi pisortaq