Suliffeqarfimmi Kiffartuussineq

Umimmannik Arsuup eqqaaniit Paamiut eqqaanut nuussinissamik

Henrik Rachlev

Asasara Kommunalbestyrelsimut ilaasortaq, Henrik Rachlev (IA)

Siullermik apeqqutigisannut qujanarujussuaq.

”Umimmaat Arsuup eqqaaniittumiit Paamiut eqqaanut nuussinissamut tunngasumut apeqquteqaatit” ulloq 06. aggusti 2020-mi allaffimmut nassiuppat. Apeqqutit imaattoq Suliffeqarfimmut Kiffartuussivimmit tiguneqarpoq:

  1. Kommunalbestyrelsip aggusti 2017-imi ataatsimiinnermini akuersissutigaa.

Umimmannik arsuup eqqaaniittut Paamiut eqqaannut nuussinissamut suliamut apeqqutigaara, suliamut sumut killinnissoq?

Paamiuni piniartut PAPP suleqatigalugu umimmannik nuussinissaq erininarsisoq sulilu tutsaqarfigineqaqqinngimmat apeqqutigaara, aamma Arsummi umimmannik pilersitsinikuusoq umimmannik nuussinissamut suliaq sukkanerusumik suliarineqartariaqartoq piumasaqaatigineqarmat. Umimmaat arsuup eqqaaniittut amerlavallaarnerarlugit aamma kujataaniit qaqortormiut il.il. piniartunit piniarneqartalernerat ajuusaarutigeqqalermassuk piaarnerpaamik Paamiut eqqaanut nuussinissaq kissaatigineqarmat. Arsummiunit piniartitsisarnerup ingerlanneqalernerani aamma nungukkiartuutaasinnaasumik aarlerinerit tusarsaalermata. Apeqquteqaat suliamut qanoq killeqarnersoq paasissutissanik suli paasitinneqarsimanngilagut.

SK

The administration's answer

Asasara Henrik,

Umimmannik Ivittuuniit/Arsummiit Paamiunut nuussinissamik suliaq siorna ingerlanneqaraluarpoq, coronartoqarnerali pillugu suliaq unitsinneqarallarsimalluni. Neriuutigaarput, suliaq aappaagumut qaqileqqinneqarsinnaassasoq.

Maluginiaqquneqassaaq, Arsummiut piniartut kisimik Ivittuut eqqaani umimmanniarsinnaammata, taamaattumik Kujataaneersut tassani piniarsinnaanngillat.

Inuss. inuull.

Lars Møller-Sørensen

Kommunaldirektøri

Kommuneqarfik Sermersooq