Inga Dora G. Markussen ·
Inga Dora G. Markussen
Apeqqutit imaattoq Suliffeqarfimmut Kiffartuussivimmit tiguneqarpoq:
”Ulloq 31. oktober 2021 ataatigut atsiortunga Aningasaqarnermut Inuussutissarsiornermullu Ataatsimiititamut suliassamik siunnersuuteqarpunga, Kommuneqarfik Sermersuumi aktiaateqarluni ingerlatseqatigiiffiit neqerooruteqartitsisarneq pillugu inatsit malillugu pisiassanik kiffartuussinernillu pisinerminnut atatillugu nutaamik piginnittuunermut periusissiaq malillugu ingerlatsinissaannik peqqussuteqartoqassasoq.
Siunnersuut ulloq 21. december 2021 aammalu ulloq 3. februar 2022 oqaluuserineqarpoq, allassimalluni “Alloriarnermut tulliussalluni Sermersuumi Inuussutissarsiornermut immikkoortortaq piginnittuunermut periusissaliornissamut pilersaarusiornissaa, tamatumalu kingorna suliaq ingerlanneqassalluni taavalu piginnittuunermut periusissiaq nutaaq politikkikkut aalajangiiffigisassanngorlugu saqqummiunneqarluni. Ingerlatseqatigiiffiit aamma Aningaasaqarnermut Inuussutissarsiornermullu Ataatsimiititaq suliamut peqataatinneqarumaartut naatsorsuutigineqarpoq. Suliap 2022-p ingerlanerani naammassineqarnissaa naatsorsuutigineqarpoq.”
Siunnersuuteqartup nutaamik piginnittuunermut periusissiaq sumut killinnersoq paaserusuppaa.”
The administration's answer ·
The administration's answer
Suliffeqarfimmut Kiffartuussivik ima akissuteqarpoq:
Asasara Inga Dora G. Markussen
Siullermik nutaamik piginnittuunermut periusissiaq pillugu apeqqutinnut qujanaq.
Killiffia tassaavoq naatsumik oqaatigalugu, suliaq ingerlanneqarpoq, sulili naammassineqanngilaq.
Nutaamik piginnittuunermut periusissiap suliarineqarnera kinguartinneqarpoq 2022-mi apriilimi aaqqissuussaanermi allanngortitsisoqarnera aammalu Siorarsiorfik – Nuuk City Development aamma Iserit A/S-ip kattuttussanngornerat pissutigalugu.
Aningaasaqarnermut Inuussutissarsiornermullu Ataatsimiititami 2022-mi marsimi tusaatissatut tiguneqartumut aaqqissuussaanermik allanngortiterinermut atatillugu suliat kommunip ingerlatseqatigiiffiutaanut tunngasut Aaqqissuussamik pilersaarusiornermut Misissueqqissaarinermullu Immikkoortortamut nuunneqarput. Kisianni piginnittuuneq pillugu periusissiap suliarinera immikkoortortamut aatsaat oktobarip qaammataani 2022-mi nuutinneqarpoq. Tamatuma kingornagut NCD-p aamma Iserit kattunnissaat utaqqimaarneqarsimavoq, tamannalu 2023-p aallartisimalernerani naammassineqartussatut naatsorsuutigineqarpoq. kisianni immikkoortortaqarfiup nutaamik piginnittuunermut periusissiap suliarinerani Iserit A/S-imut, Nuup Bussii-nut aammalu Nuuk Imeq-mut tunngasut aallartereerpai. Pisiassani kiffartuussinernillu pisiniarnerni neqerooruteqartitsisarneq pillugu inatsit naapertorlugu aaqqiissutissatut kissaatigineqartut soorunami suliap ingerlanerani ilanngunneqarumaarput.
Inussiarnersumik inuulluaqqusilluta
Ole Jakobsen
Kommunaldirektøri