Suliffeqarfimmi Kiffartuussineq

Paamiuni Meeqqanut inuusuttuaqqanullu ulloq unnuarlu angerlarsimaffimmik pilersitsinissamik apeqquteqaat

Henrik Rachlev

Asasara Kommunalbestyrelsimut ilaasortaq, Henrik Rachlev

Siullermik apeqqutigisannut qujanarujussuaq.

Ulloq 06. aggusti 2020-mi “Paamiuni Meeqqat inuusuttuaqqanut angerlarsimaffimmik pilersitsinissamut apeqquteqaat” allaffimmut nassiuppat. Meeqqanut Ilaqutariinnullu Ingerlatsiviup apeqqut tiguaa imaattoq:

  1. Kommuneqarfik sermersooq-mi Paamiuni meeqqat inuussuttuaqqallu ulloq unnuarlu angerlasimaffimmik pilersitsinissamut kommunabestyrelse august 2017-mi siunnersuut akuersissutigineqarnikuusoq apeqquteqarfigaara suliamut sumut killeqarnersoq.

Apeqqutinnut tunngavilersuutigivat, meeqqat inuussuttuaqqallu sumiginnakkat pitsaanerusumik inissinneqarnissaat siunertaasoq. Innuttaasut meeqqanik inuusuttuaqqanullu paasisartunik kommune ujartuisaraluarnerat iluatsinneqarneq ajormata apeqqutigaara sumut killinnersoq qanorlu angusaqarfiunersoq.

SK

The administration's answer

Asasara Henrik,

Saaffiginnissutinnut qujanaq.

Allaffeqarfik missingersuutinut siunissami Paamiuni ulloq unnuarlu paaqqinniffissaasinnaasumut nutarsaanissamut 1. 5 mio. kr.-nik immikkoortitsivoq.

Utoqqaat illorisimasaat eqqarsaatersuutinut ilaagaluarpoq, kisianni ulloq unnuarlu paaqqinnittarfissatut angivallaartutut, taavalu meeqqanut ulloq unnuarlu angerlarsimaffittut naleqqutinngitsutut nalilerneqarpoq. Siornatigut meeqqerivik B- XX pitsaanngippallaarmat nutarterneqarsinnaasimanngilaq, aammali 1. 5 mio. kr.-it naammanngillat.

Aamma ingerlatsiviup B-941 misissorsimavaa, illup iluata aaqqissuunnera pissutigalugu aamma ulloq unnuarlu paaqqinniffissatut naleqqussorineqanngilaq.

Taamaattumik illumik 1.5 mio kr.-it nalinginut nutarterneqarsinnaasumik nassaarsinnaasimanngilagut, taamaattumik illumik Paamiuni meeqqanut ulloq unnuarlu paaqqinniffissatut allanngortissinnaasumik nassaarsinnaasimanngilagut.

Meeqqanut Ilaqutariinnullu Ataatsimiititaq Meeqqat Ilaqutariillu inuuniarnermikkut ajornartorsiuteqartut pillugit politikki nutaamik innersuussaqarnikuuvoq. Politikkimi pingaarnertut Kommuneqarfik Sermersuumi, ilaqutariit ataatsimut isigalugit sapinngisamik piaartumik annertunerusumillu suliniuteqarfigineqarnissaat anguniarneqarpoq. Taamaattumik Ataatsimiititap Ingerlatsiviullu assersuutigalugu siusinaartumik suliniuteqarnerit annertusarnissaat, ilaqutariinnik katsorsaanermik annertusaanissaq sulissutigai, tamakkulu 2021-mut missingersuusiornissamut atatillugu siunnersuutigineqartussani takuneqarsinnaassapput, assersuutigalugu Paamiuni Ilaqutariinnik Sullissiviup nukittorsarneqarnissaanut tunngasoq.

Inuss. inuull.

Martha Lund Olsen

Meeqqanut Ilaqutariinnullu Ingerlatsivimmi pisortaq

Kommuneqarfik Sermersooq