Dorthe-Marie Mogensen-Fontain ·
Dorthe-Marie Mogensen-Fontain
Meeraaqqerivik Meeraq aammalu Meeqqerivik Mike illutaasa qanoq issusaat misissuititsinissamik noqqaassuteqarpunga, tamannalu pisimasappat allakkiarineqarnera takorusullugu. Meeraaqqerivik aammalu meeqqeriviit Paamiuniittut pisoqaleqimmata illutaasa piusinnaassusaat paaserusukkaluarpara. Ullumikkut meeraaqqerivik aammalu meeqqerivik atuutsinneqarneri tulluanngilluinnarmata sillimaniarneq eqqarsaatigalugu.
The administration's answer ·
The administration's answer
Asasara Kommunalbestyrelsimut ilaasortaq, Dorthe-Marie Mogensen-Fontain (S).
Siullermik apeqqutigisannut qujanarujussuaq.
Ulloq 03. juuni 2021 allaffeqarfimmut apeqquteqaammik “Paamiuni meeraaqqerivik Meeraq aamma Meeqqerivik Mike” pillugit nassiussivutit. Sanarfinermut Avatangiisinullu Ingerlatsiviup apeqqutitit tiguai, imaattut:
Meeraaqqerivik Meeraq aammalu Meeqqerivik Mike illutaasa qanoq issusaat misissuititsinissamik noqqaassuteqarpunga, tamannalu pisimassappat allakkiarineqarnera takorusullugu. Meeraaqqerivik aammalu meeqqeriviit Paamiuniittut pisoqaleqimmata illutaasa piusinnaassusaat paaserusukkaluarpara. Ullumikkut meeraaqqerivik aammalu meeqqerivik atuutsinneqarneri tulluanngilluinnarmata sillimaniarneq eqqarsaatigalugu.
Sanarfinermut Avatangiisinullu Ingerlatsivik ima akissuteqarpoq:
Asasara Dorthe-Marie,
Sanarfinermut Avatangiisinullu ingerlatsiviup paasissutissiissutigisinnaavaa B-104 Nanoq, B-611 Meeraq aamma B-650 Miki illutaasa iluini silaannaap qanoq innerannik 2021-imi misissuisimanera.
Paamiuni illut pingasut ulluunerani meeqqanik paaqqinnittarfiupput: B-104 Nanoq, B-611 Meeraq aamma B-650 Miki. Siusinnerusukkuttaaq B-124 Kuuk meeraaqqeriviuvoq 2014-imi matuneqartoq, taannalu nuunneqarpoq B-650 Miki, meeqqat ikiliartornerat pissutaalluni. Tassunga atatillugu 2016-imi Miki ilua aaqqissuunneqarlunilu iluarsartuunneqarpoq.
B-104 sunngiffimmi AKO-tut atorneqarpoq ilaatigut Atuarfissuup B-683 ataaniilluni. Pilersaarutaavoq Atuarfissuup iluarsartuunneqarnera 2022-23-mi naammassineqareerpat AKO tassunga nuunneqarumaartoq. Qanoq innerannik misissuinermit nalunaarsuineq kingulleq 2015-imi pivoq, aammalu ilua iluarsartuunneqarpoq 2020-mi nutaamillu natilersorneqarluni .
B-611 Meeraq Meeqqerivik 1968-imeersuuvoq. Qanoq inneranik nalunaarsuineq kingulleq 2015-imi pivoq. Meeraq Nunatsinni sanaartornermi malittarisassat atuutilinngikkallarmata sanaajuvoq. Illu ukiut kingulliit tallimat ingerlaneranni amigaatai, nungullarnertai ilaatigullu avannamut sammisumi sinittarfittai oqorsagaanngitsut oqoqartullu nutarterneqarput. Igalaavi avannamut-kangimut sammisut silamullu illersuut ajoqusernilik taarsersorneqarput. Sinittarfittaa kiassarneqarpoq, naqqata qalliutaa taarserneqarluni 2018-imilu silataa ilualu qalipanneqarput kiisalu igaffiani kuuttoqarsimaneranik ajoquserneq 2021-mi iluarsartuunneqarluni Oqoqarneranik nalunaarusiaq februaari 2021-meersoq aamma maaji 2021-meersoq malillugit. Illu suli ukiuni 10-ni piusinnaasutut nalilerneqarpoq. Illu piffissamut naleqqukkunnaarnikuuvoq, isersimaffiginissaanut akuersissutit atuuttut naapertorlugit init nalinginnaasumik gruppit amerlassusaannut mikivallaarput.
B-650 Mike Meeraaqqerivik 1968-imeersoq qulaaniittumut assingusumik isikkoqarpoq pisoqaatigalunilu. Nalunaarsuineq kingulleq 2015-imi pivoq. Miki Nunatsinni sanaartornermi malittarisassat atuutilinngikkallarmata sanaajuvoq. Taamaasilluni illu aamma naleqqukkunnaarsimavoq. Kuuk matuneqarneranut atatillugu iluani iluarsartuussinerit naleqqussaanerillu arlallit suliarineqarput. Ukiut kingulliit tallimat ingerlanerini illumi innaallagissamut ikkuffiit taarsersorneqarput aammalu erngup aqqutai iluarsartuunneqarlutik nungullarsimanerat pissutaalluni. Tamakku saniatigut 2019-20-mi innaallagissamut atortut nutarterneqarlutik.
Illu suli ukiuni 10-ni piusinnaasutut nalilerneqarpoq. Illu piffissamut naleqqukkunnaarnikuuvoq, isersimaffiginissaanut akuersissutit atuuttut naapertorlugit init nalinginnaasumik gruppit amerlassusaannut mikivallaarput.
Inussiarnersumik inuulluaqqusillunga
Hans Henrik Winther Johannsen
Sanarfinermut Avatangiisinullu Ingerlatsivimmi pisortaq