Ukioq manna tuttunniassamaarpit?
Eqqaamallugu piareersarnerit angerlarsimaffimmiit isumagisinnaagakkit. Namminersorlutik Oqartussat nittartakkakkut imminut sullissivikkut, Sullissivik.gl-ikkut, tuttunniarnissamut akuersissutit ajornanngitsuaqqamik aasinnaavatit – taamaaliornikkullu Innuttaasunik Kiffartuussivimmi utaqqisariaarutissaatit.
Nutaarsiassat
Umimmattassat ataasinngorpat makitsissutigineqassapput
Kommuneqarfik Sermersuumi umimmattassat ataasinngorpat Innuttaasunik Kiffartuussivimmi makitsissutigineqassapput.
Kommunip nuutsisarfia maannakkut ilaannakortumik pissarsiarineqarsinnaavoq
Oqarasuaatikkut nuutsittakkamut 36 70 00-imut attaveqartoqaqqissinnaanngorpoq.
Tasiilami innuttaasut arlallit imarsiornermut pikkorissarneqartut
Tasiilami innuttaasut maajip juunillu ingerlaneranni imarsiornermut piginnaasatik pikkorissarnikkut qaffassarpaat, isumannaallisaaneq angalanerlu ukkatarineqarlutik. Suliniutip qulakkeerinneqataaffigissavaa isumannaatsumik nammanneqarsinnaasumillu Kalaallit Nunaata kangiani takornariartitsisarnissaq aammalu najugalinnut periarfissanik pitsaanerusunik pilersitsissalluni.
Nuutsitsisarfik attavigineqarsinnaanngikkallarpoq
Kommuneqarfik Sermersuup nuutsitsisarfia maannakkuugallartumik teknikkikkut ajornartorsiuteqarpoq. Taamaattumik kommunip normuanut pingaarnermut, 367000-mut sianertoqarsinnaanngikkallarpoq.
Ineqarnermut tapiissutit aammalu erninermusialinnut allakkat aalajangiissutit nassiussinnaanngikkallartut
Atortutigut unammineqartoqarneq peqqutaalluni, qulaani pineqartut allakkat aalajangiissutit nassiunneqarsinnaanngikkallarput. Aaqqiivigineqariarpata, innuttaasut allagarsiassaat E-boks aqqutigalugu nassiussorneqarumaarput.