Mala Høy Kuko ·
Mala Høy Kuko
Asasara Kommunalbestyrelsimut ilaasortaq, Mala Høy Kúko (S)
Siullermik apeqqutigisannut qujanarujussuaq.
2022-mi aggustip ulluisa 30-anni allaffeqarfimmut apeqquteqaateqarputit una pillugu ” Siunnersuutigisaq februaarip aappaani 2022. Tasiilaq nunaqarfittaani Illut imermik kuuffissalernissaannik pilersaarusiortoqarnissaannik kommunalbestyrelsi eqqartugassaa”.
Sanarfinermut Avatangiisinullu Ingerlatsiviup apeqqutitit tiguai, imaattut:
” Siunnersuut isikkumisut isikkoqartillugu kommunalbestyrelsi amerlanerussuseqartut itigartippaat.. Kisianni ataatsimoorullugu siunnersuut qullersanut ingerlateqqinneqassasoq aalajangiunneqarpoq. Taamaammat apererusunnarpoq suliaq taassuma ingerlanneqarnera Sumut killinnersoq. Kiisalu saaffiginnissut qullersanit qanoq akineqarnersoq.”
The administration's answer ·
The administration's answer
Sanarfinermut Avatangiisinullu Ingerlatsivik ima akissuteqarpoq:
Asasara Mala Høy Kúko
Tasiilap nunaqarfiini illut imermut kuuffissalersorneqarnissaat pillugu apeqquteqaatinnut qujanaq.
Imermik pilersuineq Nukissiorfiit akisussaaffigaat kommunimit akisussaaffigineqanngilaq. Nukissiorfiit 07.09.2022-mi suliaq pillugu ingerlatsivimmiit attaviginikuuagut. Nunaqarfinni pineqartuni tallimaasuni imermut kuuffissalersuinissaq Nukissiorfinniit pilersaarutigineqanngitsoq ilisimatitsissutigineqarpoq.
Nukissiorfinnittaaq ilisimatitsissutigineqarpoq imermut kuuffissalersuinermut aningaasartuutit suliarineri ingerlanneqarnerilu akisoorujussuussasut. Imermut kuuffissaqartitsinermi imermut kuuffik meterimut 15.000 kr.-eqassasoq naatsorsorneqarpoq.
Tamatuma saniatigut stikledningit imermut pingaarnertut kuuffinnut attavilersinnissaannut, illut naleqqussarnissaannut kiisalu pisariaqarpat nukissiuutilersorneqarnissaannut il. il. illunik piginnittunut aningaasartuuterpaaluussapput.
Inussiarnersumik inuulluaqqusillunga
Hans Ulrik Skifte
Sanarfinermut Avatangiisinullu Ingerlatsivimmi pisortaq