Pinnguartarfiit Multibane-lu

Asasarput Kommunalbestyrelsimi ilaasortaq, Justus Hansen (D)

Siullermik apeqqutigisannut qujanarujussuaq.

Ulloq 13. juunip 2023 “Pinnguartarfiit Multibane-lu” pillugit allaffeqarfitsinnut apeqquteqaateqarputit. Apeqqutit imaattoq Suliffeqarfimmut Kiffartuussivimmit tiguneqarpoq:

”Kommunitsinni pinnguartarfiutigut/multibane-utigut aserfallatsaalineqassanatillu torersarneqarneq ajorput.

1. Kommuneqarfik Sermersuumi taakkununnga tunngasunik akisussaasuua, Kommuneqarfik Sermersuumi inatsisinik unioqqutitsisoqannginnerluni?

2. Pinnguartarfiit ulorianarluinnarput, meeraq pinnguarnermini ajoquserpat susoqassava?

3. Kommuneqarfik Sermersuumi pinnguartarfiit tamaasa aserfallatsaalineqarnissaaNnut aningaasanik immikkoortitsisoqarsimanerluni aamma aserfallatsaaliInissamut sutigut pilersaaruteqartoqarpa?

4. Suliassat Kommuneqarfik Sermersuumi isumagineqarsinnaanngippata suliassaq tamanna Kommuneqarfik Sermersuumiit namminersortunut suliariumannittussarsiuunneqassannginnerluni?

5. Tasiilami Suulup Aqqulaani imikoorut kuutsinneqaraangat masarsuinnanngortarpoq, tamannalu peqqinnanngilluinnarpoq, tassunga tunngatillugu Kommuneqarfik Sermersuumi qanoq isumaqartoqarpa?”

Asasara Justus Hansen,

Kommuneqarfik Sermersuumi pinnguartarfinnik multibane-nillu aserfallatsaaliinermut tunngasumik allaffeqarfimmut apeqquteqaatinnut qujanaq.

1-imut. Pisortat pinnguartarfiutaanik peqarpoq kiisalu inissiaatileqatigiiffinnit Iserit A/S-imit A/S INI-miillu isumagineqartunik allanik pinnguartarfeqarluni. Kommunip pinnguartarfiutai Sanarfinermut Avatangiisinullu Ingerlatsivimmi ingerlatsinermut immikkoortortaqarfimmit isumagineqarput. Pinnguartarfiit pilersaarutaasumik aserfallatsaalineqarnissaannut kommunip pinnguartarfiutai ingerlatsivimmit qanoq issusiinik nalunaarsorneqaleruttorput.

2-mut. Pinnguartarfiit isumannaallisarnissaat pinnguaatillu aseqqukut piiarnissaat ingerlatsivimmiit anguniagaajuaannarpoq. Meeqqat pinnguartarfimmi pinnguarnerini nakkutigineqarnissaat tunngaviatigut angajoqqaaniippoq. Taamaattorli qulakkeerinnikkusulluta eqqartuussisSuserisumut inatsisinik misissuisitserusuppugut, pinnguartarfiutitsinni ajutoortoqassagaluarpat akisussaaffik sumiissanersoq nalorninaannerussammat.

3-mut. Kikkunnilluunniit orninneqarsinnaasut, pinnguartarfiit il.il. ukiumut missingersuusiuunneqartarput aamma pinnguartarfiit qanoq issusiinik qulaajaaneq ingerlatsivimmi isumagineqaleruttorluni, paasiniarlugu aserfallatsaaliinermi kinguaattoorneq qanoq annertutiginersoq kiisalu pinnguartarfinnik aserfallatsaaliinissamik pilersaarusiortoqarluni.

4-mut. Ingerlatsivimmit nalilerneqarpoq, suliassaq isumagisinnaallugu aamma ingerlatsivimmit nalilerneqarpat pisariaqartitsineq naapertorlugu isumagisinnaanagu suliariummannittussarsiuunneqarnissaa periarfissarsiuunneqarnissaa ilanngullugu.

5-imut. Suulup Aqqulaani pissutsinut tunngasoq ingerlatsivimmit juuni aallartinnerani paasineqarpoq, pinnguartarfiullu peerneqarnissaanut suliaq aallartinneqarluni. Pinnguaatit kommunip pinnguartarfiutaanni pioreersuni ikkunneqassapput, majuartaat nivingasoq inissiffissaa qulakkeerneqaqqaartussaammat minillugu.

Inussiarnersumik inuulluaqqusilluta
Søren Pedersen
Sanarfinermut Avatangiisinullu Ingerlatsivimmi pisortaq