Suliffeqarfimmi Kiffartuussineq

Kangiata Qimussersua pillugu apeqquteqaat

Laura Taunâjik Uitsatikitseq

Asasara Kommunalbestyrelsimut ilaasortaq, Laura Taunâjik.

Siullermik apeqquteqaatinnut qujanaq.

Februaarip arfernanni 2019 Kangiata Qimussersua pillugu allaffeqarfimmut apeqquteqaateqarputit. Suliffeqarfimmi Kiffartuussiviup, Aaqqissuussinermut Kulturimullu immikkoortortaata apeqqutit uku pissarsiarinikuuai:

Siunertarineqartut:

Kangiata Qamutsertsua ukioq 2018 pimoorussamik Tasiilami ingerlanneqarpoq. Tamanna alloriarneruvoq qimussertartunut pitsaalluinnartoq. Ukiuni aggersuni maannamut ineriartortinneqarnissaa KNQK peqatigalugu aallunneqartussaasoq ilisimaneqarpoq.

Ukioq manna 2019 Kangiata Qamutsertsua Kulusummi ingerlanneqartussaavoq. Taamaattoq aningaasanik pisariaqartitsineq maannamut suli annertuvoq. Pilersaarutit aaqqissuunneqaleruttorput peqatigiiffiit Kulusummi Tasiilamilu oqarasuaatitigut ataatsimeeqatigiittarnerit aallartilluareerput.

Taamaattorli aningaasat Kommuneqarfik Sermersuup tapiissutigisartagai sumut ikineqartarnerat qanorlu aalajangersorsimanerannik paasisaqarusunneq siulersuisut akornanni qulakkeerlugu paasineqarusuppoq. Pilersaarutimmi Kulusummi ingerlanneqartussaasut pillugit aningaasanik pisariaqartitsineq maannamut suli annertummat.

Ukiut kingulliit pingasut aningaasaliisarnissamik isumaqatigiissutit kangiata qimussersuanut 50.000 kr kangiani peqatigiiffiit paaserusuppaat sumut ikineqartarnersut. Isumaqartoqarpormi aningaasat KNQK-mut ikineqartarsimasussat. Tamanna aaqqikkumallugu kangiata qimussersuanut aaqqissuisussanut ikineqartarnissaat kissaatigineqarpoq. Matumani Qamutseq 2016 aamma Qamutseq 91 annertunerusumik paasisaqarumallutik noqqaapput.

Siunertaq / Formål:

  1. Kommuneqarfik Sermersooq Kangiata Qamussersuanut qanoq annertutigisumik tapiissuteqarpa?
  2. Aningaasat (50.000kr) tapiissutigineqartartut sumut ikineqartarpat?
  3. Toqqaannartumik Kangiata Qamussersuanut tapiisarnissaq aallartereerpa?
  4. Taamaappat aningaasat sumut ikineqartarpat?

Aningaasaliinikkut qanoq agguaasarneq ingerlanneqarpa? Tamanna peqatigiiffiit siulersuisunik qanimut suleqateqarnermik ingerlanneqarpa?”

SK

The administration's answer

Kommunalbestyrelsip 2019-imut missingersuutinut atatillugu Kangiata Qimussersua 50.000 koruuninik tapiissuteqarfigaa KNQK-p qinnuteqaataa aammalu KNQK´p borgmesterip tullianik siullermik Randi V Evaldsen-imik ataatsimeeqateqarsimanera tunngavigalugu.

Manna tunngavigalugu kommunalbestyrelsip 2019-imut missingersuutini tapiissuteqartoqarnissaa akuersissutigaa;

 

”Kangiata Qimussersuata Kommunalbestyrelse saaffigisimavaa kissaatigalugu ukiumut aalajangersimasumik Kangiata Qimussersua ukiut tamaasa 50.000 kr-nik tapiiffigineqartalissasoq. Peqataasussat ataasiakkaarlutik angalanissaminnut tapiiffigitinnissamik qinnuteqarsinnaanerinut taanna tapertaliunneqarpoq.”

 

Qinnuteqaatip imarivaa Kangiata Qimussersua KNQK´p ataaniittoq suleqatigiiffeqalissasoq ukiut tamaasa unammijuaarnernik aaqqissuussisartussamik. Tullianik unammijuaarnissaq pilersaarutit naapertorlugit Kulusummi apriilip 12-anni ingerlanneqassaaq.

Kommunalbestyrelsip aalajangernera tunngavigalugu 50.000 kr KNQK-mut januaari 2019-imi ikineqarput.

 

Apeqquteqaammut siullermut tunngatillugu: Kommunalbestyrelsip aalajangernera tunngavigalugu Kommuneqarfik Sermersooq 2019-imut 50.000 kr-nik tapiissuteqarpoq. Aamma tamanna atuutissaaq 2020-mut aammalu 2021-mut.

Apeqqutit aappaannut tunngatillugu: Aningaasaliissutigineqartut KNQK-mut ikineqarput, taakku oktobari 2018-imi qinnuteqaataat tunngavigalugu, unammijuaartarnissat piviusunngortinneqarnissaannut atugassatut.

Apeqqutit pingajuannut tunngatillugu: Aap

Apeqqutit sisamaannut tunngatillugu: Aningaasaliissutit KNQK-mut ikineqarput qinnuteqaataa tunngavigalugu.

 

Inussiarnersumik inuulluaqqusillunga

Lars Møller-Sørensen

Kommunaldirektøri