Sanarfinermut Avatangiisinullu Ingerlatsivik

Ittoqqoartoormiit kangerluata ilarujussua illuaraliorfigeqqusaanngitsoq. SOORMITA?

Ken Madsen

Ittoqqortoormiit kangerluata ilaani illuaraliortoqaqqusaanngitsoq, aaqqittariaqarpoq. Sumiiffik taanna nuna eqqissisimatitatut nalusaarsugaanngilaq, qangarsuaaniilli piniartunut sunngiffimmilu pinialittartunut piniariarfittut angalaarfiulluni.

Piniartut sunngiffimmilu angalaartartut tassani område-mi illuaralioqqusaanngillat, taamaattorli pinngortitaleriffik illuaraliornikuulluni.

Innuttaasumik saaffiginnikkaluarlutik itigartitaasarput. Tassanngaanniillu misorsimavara ilumut taanna nuna eqqissisimatitatut nalunaarsugaannginnersoq, taamaanngilarli. Aamma nunap assingani takuneqarsinnaavoq eqqissisimatitap killinga.

Paasiuminaappoq sooq kangerluup ilarujussua illuaraliorfigeqqusaannginnersoq, isumaqarpunga aaqqittariaqartoq.

Ittoqqortoormiit kangerluata assinga ilanngullugu nassiuppara, illuaraliorfigisinnaasup killinga. Aappaluttumik ammalortuleqqavoq apeqquteqaatinni qulequtarisara, ammaanneqartariaqartorlu illuaraliorfissatut.

SI

The administration's answer

Asasara kommunalbestyrelsimut ilaasortaq, Ken Madsen, (N).

Siullermik apeqqutigisannut qujanarujussuaq.

2021-mi aggustip ulluisa 18-ianni Ittoqqortoormiit kangerluini illuaraliorneq pillugu allaffeqarfimmut apeqquteqaateqarputit.

 

Sanarfinermut Avatangiisinullu Ingerlatsivik pineqartoq pillugu siusinnerusukkut ilisimatinneqarpoq, tassungalu atatillugu eqqissisimatitsinissamut misissuineq, kommunimut pilersaarummi immikkoortup ilaata killilernera immikkoortumillu aqutsineq, aallartinneqarput.

Tassunga atatillugu naalakkersuisoqarfiit arlallit apeqquteqaateqarfigineqarput, ilanngussatut nassiunneqartumi immikkoortumi nalunaaqutsikkami kommune illuaraliornissamut akuersisinnaanera qulakkeerumallugu. Naalakkersuisoqarfinnit ataasiakkaanit akissutisinissaq suli utaqqineqarpoq.

Ingerlatsiviulli kommunimut pilersaarummi immikkoortup ilaata qanoq annertusitillugu killilerneqarsinnaanersoq suliaralugu aallartippaa, taamaalilluni illuaraliortoqarsinnaalersillugu. Naatsorsuutigineqarpoq 2022-mi aallartinnerani/qiteqqunnerani siunnersuut politikkikkut suliassanngortinneqarnissaa, apeqqutaalluni Namminersorlutik Oqartussanit akissutinik tigusaqarnissaq.

Inussiarnersumik inuulluaqqusillunga 

Alex Nørskov Sanarfinermut Avatangiisinullu Ingerlatsivimmi pisortaagallartoq