Lone Rosengreen Pedersen ·
Lone Rosengreen Pedersen
Naluttarfiup nalaaniit Eqalungalinnguit kaajallattariaanut ullaakkut ualikkullu tamatigut siuleriiaartorpassuusarput.
Tusarusuppara, tamanna sumik patsiseqarnersoq misissuiffigineqarsimanersoq? Taamatut misissuisoqarsimanngippat, misissuinissamut qanoq akeqassanersoq allaffeqarfimmiit naluneqannginnersoq?
Sumiiffinni taakkunani angallannermi kisitsisoqarnissaa eqqarsaatiginngilara.
The administration's answer ·
The administration's answer
Asasara kommunalbestyrelsimi ilaasortaq, Lone Rosengreen Pedersen (IA).
Siullermik apeqqutigisannut qujanarujussuaq.
Ulloq 16 aggusti 2021 “Attaveqaatit” pillugit allaffeqarfitsinnut apeqquteqaateqarputit.
Angallannermi ajornartorsiutigineqartup qanoq aaqqiissuteqarfiginissaanut periarfissanik arlalinnik ingerlatsivik suliaqarpoq. Taakku ilisimasalinnit suliarineqartussaapput, tassungalu atatillugu angallannerup pilersaarusiorneqarnissaanut siunnersorteqarnissamik qinnuteqartoqarpoq, tamatumani kommune nammineq ilisimasalimmik peqanngimmat. Neqeroorutaagallartoq 174.960-iuvoq, taannali inaarutaasumik akuerineqanngilaq, soorlu aaqqiissutissatut siunnersuutit tamarmik aamma allanneqanngitsut.
Eqqarsaatigilluakkamik misissueqqissaarnissamut siunnersuut aamma angallannermi kisitsinermik tunngaveqartussaavoq. Maannamulli tamanna 2021-mi ingerlanneqarsinnaasimanngilaq, angalanerup killilersuiffigineqarnera allallu pissutigalugit. Massakkut ukiumi matumani angumerineqarsinnaanersoq sulissutigineqarpoq, apinnginnerani, allatut periarfissaavoq 2022-mi maaji/juuni.
Taassuma kingorna aatsaat sivisunerusumut aaqqiissutissat suliarineqarsinnaalissapput. Pilertortumilli aaqqiissutissat suliarineqarsinnaanerannut tamanna ajoqutaanngilaq, erngertumik innuttaasunut ataasiakkaanut iluaqutaasinnaasut.
Inussiarnersumik inuulluaqqusilluta
Alex Nørskov, Sanarfinermut Avatangiisinullu Ingerlatsivimmi Pisortaq