Kommuneqarfik Sermersuumi inissiani marlunni attartortakkat inigisamut akiliutip appartinneqarnera & inissiat m2-imut (kvadratmeterimut) kukkusumik naatsorsorneqarsimanerat.

Apeqqutit imaattoq Suliffeqarfimmut Kiffartuussivimmit tiguneqarpoq:

“1) Siullertut una Sermitsiami saqqummiussaq: https://sermitsiaq.ag/kl/politiinutnalunaaruteqartoqareersoqkommunip-inigisamut-akiliut-procentinik-15-init-20-nut
issuaaffigilaassavara:
“- Kommunip Iserit A/S peqatigalugu inissiami pineqartumi inigisamut akiliutit naatsorsorneqarnerini kukkusoqarsimasoq paasivaat, tamannalu attartortut inigisamut akiliutaasa annertuallaarnerinik kinguneqarsimavoq. Inissiaqarfimmi sanianiittumi assinganik akiliuteqarfiusartumi aamma taamaattoqarpoq.”
• Tassunga tunngatillugu paaserusuppara suna naatsorsorneqarnerini kukkuneqarsimanersoq, qangalu?
• Suna peqqutaava taamaallaat inissiani marlunni attartortakkani inigisamut akiliutip kisimik apparneqarnissaannut? Inissiammi allat kommunip attartugai attartorteqqitaanut akiliutip appartinneqarnissaat misissuiffigineqarpat imaluunniit ilisimaneqarpat?

2) Aappaattut una sermitsiami saqqummiussaq: Kommuni inissiaatileqatigiiffillu attartortunit naammaginninngitsunit politiinut tunniunneqartut | Sermitsiaq.AG issuaavunga: “Inissiat
angissusaat pillugu ukiuni arlalinni akerleriittoqareersorlu inissiat qanittukkut annertuumik annikillilerneqarput, taamaalillunilu inissiaq ataaseq siornatigut 141 kvadratmeterinik angissuseqarnerarneqarsimasoq maanna 114 kvadratmeterinik angissuseqartutut naatsorsorneqarsimalluni. Tamanna attartortunut ineqarnermut akiliutit allanngortinneqarnerannik malitseqarsimanngilaq. Tamanna attartortunit eqqumiigineqangaatsiarpoq, inatsisini allassimasoqarmat, inissiap angissusia ineqarnermut akiliutit naatsorsorneqarnerannut ilanngunneqassasoq.”
• Tassunga tunngatillugu paaserusuppara kommunip inissiat attartugaani attartorteqqitaanilu allani m2 (kvadratmeterit) eqqortumik nalunaarsorneqarsimanersut misissuiffigineqarsimanersoq?
• Kommunip inissiani attartugaani m2 (kvadratmeterit) eqqunngitsoq ilisimaneqarpa aamma kiap akisussaaffigaa m2 (kvadratmeterit) kommunip attartugassai eqqortumik nalunaarsorneqarsimanersut?

Qinikkatut pisussaaffigaarput innuttaasut akileraarutaat eqqortumik atorneqarnersut eqqumaffigissallugu aammalu inatsisit tunngaviusut najoqqutaralugit eqqortumik sulisoqarsimanersoq qulakkiissallugu. Minnerunngitsumillu kommunip soqutigisarivaa innuttaasut assigiimmik eqqortumillu sullinneqarnissaat aamma kommunip soqutigisarinngilaa inuit ataasiakkaat pitsaanerusumik imaluunniit iluanaartinneqarnissaat (kommunalfuldmagt).

Taamaattumik uani siunertarivara innuttaasut inissianik attartueqqittut eqqortumik unneqqarissumillu paasissutissinneqarlutik kommunimiit sullinneqarnissaat.

Asasarput Kommunalbestyrelsimut ilaasortaq, Peter Davidsen (S)

Siullermik apeqqutigisannut qujanarujussuaq. 2023-mi januaarip qulinganni allaffissornermut apeqquteqarputit, una pillugu ”Kommuneqarfik Sermersuumi inissiani marlunni attartortakkat inigisamut akiliutip appartinneqarnera & inissiat m2-imut (kvadratmeterimut) kukkusumik naatsorsorneqarsimanerat”.

Siullertut Kommuneqarfik Sermersuumi inissiani marlunni attartortakkani inigisamut akiliutip appartinneqarnera inissiallu m2-mut (kvadratmeterimut) kukkusumik naatsorsorneqarsimanera pillugit apeqqutinnut qujanaq.

Ataani apeqqutinnut akissutit Iserit A/S-imit, Inissiaatileqatigiiffiusumit Kommunimi inissianik attartortitsinermik ingerlatsisuusumit pissarsiarineqartut takusinnaavatit.

Tamatuma kingunerani Iserit ataatsimeeqatigineqarnikuuvoq, tassanilu inissianik marlunnik pineqartunik nutaamik uuttortaassasoq kiisalu ineqarnermut akiliutit eqqortut naatsorsoqqissagai ilitsersuunneqarpoq. Sulineq tamanna massakkut ingerlavoq.

Iserit, kommuniunngitsoq inissianik marlunnik taakkuninnga attartortuuvoq. Taamaattumik Iserit ineqarnermut akiliutinik naatsorsuisuullunilu, attartortunik attartornermut isumaqatigiissusiortuuvoq, matumani inissiat attartukkat isumaqatigiissutillu pillugit oqaloqateqarneq ilanngullugu.

Kommuni attartortitsisuunnginnami ineqarnermut akiliutit qaffannissaat aalajangigassarinngilaa,
tamatumunnga Iserit taassumalu siulersuisui aalajangiisuussapput.

Apeqqutitit akineqaqqullugit Iserit A/S-imut nassiunneqarnikuupput. Iserit A/S-ip akissutaa apeqqutip ataani allaqqavoq.

1) Apeqqut: Tassunga tunngatillugu paaserusuppara suna naatsorsorneqarnerini kukkuneqarsimanersoq, qangalu?
Akissut: Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersumi kapitali 4, ineqarnermut akiliutit angissusilerneqartarnerannut, ineqarnermut akiliutit iluarsiivigineqartarnerannut allaffissornikkullu aqutsinermut tunngassuteqartoq aallaavigalugu ineqarnermut akiliutit naatsorsorneqartarput. 2018-2019-imi inissiat atulersinneqarneranni – inuussutissarsiornermi attartornermut isumaqatigiissummi nunaminertamik naatsorsuinermi kukkusoqarsimanera pissutigalugu – kukkuneq pivoq.
Apeqqut: Suna peqqutaava taamaallaat inissiani marlunni attartortakkani inigisamut akiliutip kisimik apparneqarnissaannut? Inissiammi allat kommunip attartugai attartorteqqitaanut akiliutip appartinneqarnissaat misissuiffigineqarpat imaluunniit ilisimaneqarpat?
Akissut: Tamanna tunngavigalugu inuussutissarsiornermi attartornermut isumaqatigiissummi nunaminertat ajoraluartumik kukkusumik isikkoqarput. Inissiat ataasiakkaat sorliit annertuumik allaanerussuteqarnersut kvadratmeterimullu ineqarnermut akiliuteqarfiuallaarnersut takusinnaajumallugu nunaminertamut/ineqarnermut akiliummik kiisalu kvadratmeterimut ineqarnermut akiliummik aallarnisaataasumik misissuisoqarpoq. Misissuinermi matumani Seernaq 6 aamma Piloq 2 ersarissumik allaanerussuteqartumik kvadrameterimut ineqarnermut akiliuteqartartut paasineqarpoq. Misissuineq sumiiffimmi uuttortaalluni nakkutilliinermik tapertaqartinneqassaaq.
2) Apeqqut: Tassunga tunngatillugu paaserusuppara kommunip inissiat attartugaani attartorteqqitaanilu allani m2 (kvadratmeterit) eqqortumik nalunaarsorneqarsimanersut
misissuiffigineqarsimanersoq?
Akissut: Inissiat ataasiakkaat sorliit annertuumik allaanerussuteqarnersut kvadratmeterimullu ineqarnermut akiliuteqarfiuallaarnersut takusinnaajumallugu nunaminertamut/ineqarnermut akiliummik kiisalu kvadratmeterimut ineqarnermut akiliummik aallarnisaataasumik misissuisoqarpoq. Misissuinermi matumani Seernaq 6 aamma Piloq 2 kisimik ersarissumik allaanerussuteqartumik kvadrameterimut annertuallaamik ineqarnermut akiliuteqartartut paasineqarpoq. Tamanna iluarsiissuteqarnernut tunngaviuvoq.
Apeqqut: Kommunip inissiani attartugaani m2 (kvadratmeterit) eqqunngitsoq ilisimaneqarpa aamma kiap akisussaaffigaa m2 (kvadratmeterit) kommunip attartugassai eqqortumik nalunaarsorneqarsimanersut?
Akissut: Qulaani eqqaaneqartutut aallarnisaataasumik misissuisoqarnerata Seernaq 6-ip Piloq 2-llu saniatigut inissianik tamanut attartortitanik allanik allaanerussuteqartumik kvadrameterimut annertuallaamik ineqarnermut akiliuteqartartoqanngitsoq takutippaa. Kommunip inuussutissarsiornermi attartornermut isumaqatigiissuteqarnerani atsiunnginnermi nunaminertamut paasissutissat pitsaanerusumik nakkutigineqartussaasimagaluarput.

Iserit A/S-ip inissiani kommunip attartorsimasaani tamani uuttortaalluni nakkutilliinissamik pisariaqartitsisoqassasoq erseqqissarpaa. Suliaq tamanna aallartinneqareerpoq. Aaqqissuussisoq – kommune, attartortitsisutut siusinnerusukkut Iserit A/S-imut peqatigalugu, inissiani attartukkani ineqarnermut akiliutit (attartukkap nikingassutaa kommunillu tapiissutai annikillisarniarlugit) allanut sanilliullugit ataatsimut isigalugit annertunerunissaannik kissaateqarnikoq, peqatigalugu – akisussaasuupput. Inuussutissarsiornermi attartornermut isumaqatigiissutinut atatillugu, attartortut (illumik piginnittuunngitsoq) illup silataanik aserfallatsaaliinermik akisussaasuunerat ajornartorsiutaavoq.

Inussiarnersumik inuulluaqqusilluta
Ole Jakobsen
Kommunaldirektøri