Laura Taunâjik Uitsatikitseq ·
Laura Taunâjik Uitsatikitseq
“11-06-2019 04I “Sermiligaap kangerluani aalisartut illuaraannik sanaartortoqarnissaanik siunnersuut” Uannit siunnersuutigineqartoq Kommunalbestyrelse tamarmiusoq akuersineratigut Sanarfinermut Avatangiisinullu Ataatsimiititaliamut ingerlateqqinneqarnikuuvoq. Taamanili inerneranik takussutissamik takusimanngilanga taamaattumik paaserusunnarpoq suliaq naammassineqarsimanersoq.
Apeqqut/tit:
1. Siunnersuut tamanit akuersissutigineqartoq piviusunngortinneqarpa?
2. Piviusunngortinneqarsimanngippat suliaq naammassineqarnissaa anguniarneqassava?
3. Piviusunngortinneqarsimappat sumi napparneqarpa?
4. Kikkunnit sananeqarpa?
The administration's answer ·
The administration's answer
Asasara Laura Táunâjik Uitsatikitseq
Apeqquteqarninnut ingerlatsivimmiit qujavugut uunga tunngasoq “Sermiligaap kangerluani aalisartunut illuaqqamik sanasoqarnissaanik siunnersuutip killiffissiornera”.
Siunnersuutip piviusunngortinnissaanut apeqqummut siullermut: Siunnersuutip ingerlateqqillugu oqaluuserisassanngortinnissaanut pilersaarutitut aallaqqaammut akuersissutigineqarpoq sulili piviusunngortinneqarani. Siunnersuut piviusunngortinneqarnikuunngimmat ingerlatsivimmiit naatsorsuutigineqarpoq missingersuutinut isumaqatigiinniarnissamut atatillugu siunnersuut pingaarnersiugaasimanngitsoq.
Apeqqutip aappaanut tunngatillugu piviusunngortitsinissaq kingusinnerusukkut pissanersoq. Maannakkut taamatut isikkoqartillugu siunnersuutip piviusunngortinneqarnissaa pilersaarutaanngilaq pissutigalugu sanaartornermut missingersuutini akuersissutigineqarsimasuniinngimmat. Missingersuutinut isumaqatigiinniarnissamut atatillugu misissugassaaqqaarnissaanut pingaarnersiugassatut kissaatinngorlugu siunnersuuteqaqqinnissamut periarfissaqarputit.
Apeqqutit pingajuat sisamaallu akissuteqarfigineqarnissaannut tunngatillugu apeqqutip siulliup akissuteqarfigineqarneranut innersuuppakkit.
Inussiarnersumik inuulluaqqusillunga
Søren Pedersen
Sanarfinermut Avatangiisinullu Ingerlatsivimmi pisortaq