Kommunalbestyrelsimi ilaasortat juullimi eqqaamasaanni nuannernerpaat

Meeqqanik sullissinermi suliunit 2017-imi politikerinit maluginiarneqarnerusut.

Kommueqarfik Sermersuup juullimi ammartagaa juullernissaata tungaanut ingerlavoq. Kommunalbestyrelsimi ilaasortat apersornikuuagut ukiup ingerlanerani suliaminni suut nuannarinersaasimaneraat aamma inuunerminni juullimi eqqaamasaminni suna nuannernersaanersoq.

Kommuneqarfik Sermersuumi kommunalbestyrelsemi ilaasortat amerlanersaasa, meeqqat inuusuttullu sullinneqarnerini suliniutit, 2017-imi maluginiarnersaasimavaat. Tamanna erserpoq 2017-imi kommunip ammartagaanut atatillugu, kommunalbestyrelsemut ilaasortat oqaloqatigineqartaarnerini.

Kommunalbestyrelsemi ilaasortat tamarmik nunaqarfinnilu aqutsisuni siulersuisut, 2017-imi politikkikkut suliarisimasaminnut kingumut qivialaartinneqarput. Nangeqattaartumik allaaserisat taaguuserneqarsimapput Juullimi eqqaamasanni nuannernerpaaq, taamaattumillu aamma aperineqarsimallutik juullimi eqqaamasaminni suna nuannarinersaanerlugu. Juullimi ammartagaq Kommuneqarfik Sermersuumi juullimi unammisitsinermut, #julenuuk-mik taaneqartumut ilaavoq.

Politikerit amerlanersaasa meeqqanik inuusuttunillu sullissinermi suliniutaasarsimasut, ukiup ingerlanerani maluginiarnersaasimallugit toqqarpaat. Tassami ukiup ingerlanerani kommunalbestyrelsip ilaatigut suliarisarsimavai Atuarfik Hans Lyngemut iPads-it, inuusuttunik kommunalbestyrelsemik pilersitsineq aamma meeqqat utoqqaallu imminnut qaninnerulernissaannik neriorsuuteqarneq.

Taamaattumik immaqa tupinnartuunngilaq politikerit meerarnerminnit juullimi eqqaamasatik nuannernerpaatut aamma toqqarsimammatigit. Politikerit oqaloqatiginerini erserpopq, juulli meeqqat nalliuttorsiorfiattut isigisaraat, namminerlu tamanna inersimasunngorsimalerlutik meeqqaminnut ingerlateqqinniartaraat.

#julenuuk

Kommuneqarfik Sermersuup innuttaasut, Facebookimut Instagramimullu hashtag #julenuuk atorlugu, juullimi eqqaamasaminnik nuannernerpaanik ikkussissasut qinnuigisimavai. Assit allaaserisallu ikkunneqarsimasut takutippaat Nuummiut ukioq manna juullimut qanoq piareersarsimanersut ukiullu ingerlanerini qanoq juullisiortarsimanersut.

Juullip ukiortaallu akornani assit ikkunneqarsimasut akornanni tallimat Kommuneqarfik Sermersuumit toqqarneqassapput, taasisitsillunilu kiap juullimi eqqaamasani nuannernerpaaq ikkussimaneraa. Eqquiniaatitsinermi peqataasimasut kommunimilu innuttaasut aamma qanoq juullisiortarnerinik takutitseqataasut tamaasa qutsavigaagut.

Juullimi Pilluaritsi!

Politikerit juullmi eqqaamasaminni nuannarinersaasaat uani atuakkit:

Kommunalbestyrelsemi ilaasortat juullimi eqqaamasaat
1. December Asii Chemnitz Narup – Juullimi eqqaamasanni nuannernerpaaq
2. December Peter Davidsen – Juullimi eqqaamasanni nuannernerpaaq
3. December Mala H. Kuko – Juullimi eqqaamasanni nuannernerpaaq
4. December Henrik Rachlev – Juullimi eqqaamasanni nuannernerpaaq
5. December Laura Taunâjik – Juullimi eqqaamasanni nuannernerpaaq
6. December Harald Bianco – Juullimi eqqaamasanni nuannernerpaaq
7. December Randi V. Evaldsen – Juullimi eqqaamasanni nuannernerpaaq
8. December Rolf Pike – Juullimi eqqaamasanni nuannernerpaaq
9. December Nivi Olsen – Juullimi eqqaamasanni nuannernerpaaq
10. December Uju Petersen – Juullimi eqqaamasanni nuannernerpaaq
11. December Charlotte Ludvigsen – Juullimi eqqaamasanni nuannernerpaaq
12. December Inge Olsvig Brandt – Juullimi eqqaamasanni nuannernerpaaq
13. December Rasmine Geisler – Juullimi eqqaamasanni nuannernerpaaq
14. December Justus Hansen – Juullimi eqqaamasanni nuannernerpaaq
15. December Manassinnguak Noahsen – Juullimi eqqaamasanni nuannernerpaaq
16. December Peter Nathanielsen – Juullimi eqqaamasanni nuannernerpaaq
17. December Knud Mathiassen – Juullimi eqqaamasanni nuannernerpaaq
18. December Ane Egede Mathæussen – Juullimi eqqaamasanni nuannernerpaaq
19. December Justus Poulsen – Juullimi eqqaamasanni nuannernerpaaq
20. December Niels Peter Mikaelsen – Juullimi eqqaamasanni nuannernerpaaq
21. December Thiooq Knudsen – Juullimi eqqaamasanni nuannernerpaaq
22. December Malene Lynge – Juullimi eqqaamasanni nuannernerpaaq
23. December Jens Kristian Berthelsen – Juullimi eqqaamasanni nuannernerpaaq

Kommuneqarfik Sermersuup juullimi unammisitsinerani #julenuuk-mut peqataanissat eqqaamajuk. Hashtag #julenuuk atorlugu Facebookimut Instagramimulluunniit assimik ikkussiguit unammisitsinermut peqataassaatit.