Kommuneqarfik Sermersuup juullimi ammartagaa juullernissaata tungaanut ingerlavoq. Kommunalbestyrelsimi ilaasortat apersornikuuagut ukiup ingerlanerani suliaminni suut nuannarinersaasimaneraat aamma inuunerminni juullimi eqqaamasaminni suna nuannernersaanersoq.
Arfineq sisamassaa nunaqarfinni aqutsisuni ilaasortaavunga, tassa qinigaaffiit pingajussaat. Ajunngeqaaq, naak aporfeqartaraluarluta. Maannakkut Arsummi pissutsit allanngornikuungamik, qassusersorneq qimallugu ningittagarsorneq aallunneqalernikuuvoq. Ajoraluartumillu neqitsersorfissaqannginnatta.
Nuannersumik eqqaasassaqassaguma tassaavoq maani nunaqarfitsinni timigissartaqarfeqalernikuungatta. Innuttaasut orniguttarput qasujaallisariartorlutik, assigiinngitsunillu sammisassaqartarpoq, soorlu arpattarfik, cykilit, iputtuusaartarfik sisorartuusaartarfillu.
Uannut juulli nuannernerpaaq tassaavoq meeraalluni juulli. Juulli naalagiarnermik aallartittarparput. Meerarpassuullutalu silatangiaasarpugut. Illut tamaaviisa ornittarpagut. Taamanikkut maani meerarpassuaqarpoq. Ullumikkut meeqqat taamak amerlatiginngillat qujanartumilli ileqqutoqqat ingerlateqqinneqarput, juullikkunnimi meeqqat silatagiaasut suli takussaasarput.
Juulli ilaquttat peqatigalugit atussamaarparput. Nereqatigeeriarluta orpik kaavissamaarparput.
Kommuneqarfik Sermersuup juullimi unammisitsinerani #julenuuk-mut peqataanissat eqqaamajuk. Hashtag #julenuuk atorlugu Facebookimut Instagramimulluunniit assimik ikkussiguit unammisitsinermut peqataassaatit.