Kommueqarfik Sermersuup juullimi ammartagaa juullernissaata tungaanut ingerlavoq. Kommunalbestyrelsimi ilaasortat apersornikuuagut ukiup ingerlanerani suliaminni suut nuannarinersaasimaneraat aamma inuunerminni juullimi eqqaamasaminni suna nuannernersaanersoq.
Sinniisussaallunga oktoberimi kommunalbestyrelsimi ilaasortanngorpunga, kisiat maannakkumiit malugisinnaalereerpara, suliagut tamaasa nuannaralugit pingaartillugillu. Tamarmik pissanganarput, ingammik Aningaasarsiornikkut Inuussutissarsiornermullu Ataatsimiititami ilaasortatut assut pissanganarpoq.
Meeraalluni juullimit eqqaamasat nuannernersaajuaannarput, meeraalluni inuusuttuaranngornermilu juulli pissanganarnerusarami. Aamma tassiniikkami angajoqqaat ilaquttallu qimagutereernikut juullisioqatigisarsimaneri tamatumani pisooqataavoq, taakkuami juullimi eqqaamasatsinni siullersaasarmata.
Kommuneqarfik Sermersuup juullimi unammisitsinerani #julenuuk-mut peqataanissat eqqaamajuk. Hashtag #julenuuk atorlugu Facebookimut Instagramimulluunniit assimik ikkussiguit unammisitsinermut peqataassaatit.