Manassinnguak Noahsen – Juullimi eqqaamasanni nuannernerpaaq

Kommueqarfik Sermersuup juullimi ammartagaa juullernissaata tungaanut ingerlavoq. Kommunalbestyrelsimi ilaasortat apersornikuuagut ukiup ingerlanerani suliaminni suut nuannarinersaasimaneraat aamma inuunerminni juullimi eqqaamasaminni suna nuannernersaanersoq.

Nunaqarfinni aqutsisutut aallartinnitsinnit ukiup affaa aatsaat angusimalerparput, kisianni maannakkugaaq assut nuannaarutigaara innuttaasunik sullissinermik pitsanngorsaaniarnerput. Uanga Qeqertassuaatsiarmiuuvunga, nuanneqaarlu Kapisillinneersullu suleqatigiinnitta qaffassarniarnera maannakkut aallartereersimagatsigu.

Inuiattut Ullorsioratta Sapaassuillu aallartinneranni oqalugiarnikka assut pikkunarsimapput nuannerlutillu. Avannaani aasaq tassaarsuaqarnerani eqqugaasut Inuiattut Ullorsioratta eqqaamanaqaat. Sapaassuit aallartinneranni oqalugiarama soorunami eqqaavara meeqqat tamatigut aallaaviusariaqarnerat.

Kilisaammiuugallarama juullisiortarsimanerput eqqaamasanni nuannernersaapput. Nunaqarfitsinni meeraalluta, pissutsit qanga atuutsillugit juullisiortarneq nuannertaraluaqisoq, avataaniillunga juullisiortarsimanera eqqaamajuaannassuara. Naak ilaquttat najunngikkaluarlugit immitsut qiimmassaqatigiittarnikuunerput assut nuannerpoq. Eqqaamavara nissiaraatitaasarnikuunera, ilannullu tamatuma nuannaarutaasarsimasinnaanera uannut nuannertaqaaq.


Kommuneqarfik Sermersuup juullimi unammisitsinerani #julenuuk-mut peqataanissat eqqaamajuk. Hashtag #julenuuk atorlugu Facebookimut Instagramimulluunniit assimik ikkussiguit unammisitsinermut peqataassaatit.