Kommueqarfik Sermersuup juullimi ammartagaa juullernissaata tungaanut ingerlavoq. Kommunalbestyrelsimi ilaasortat apersornikuuagut ukiup ingerlanerani suliaminni suut nuannarinersaasimaneraat aamma inuunerminni juullimi eqqaamasaminni suna nuannernersaanersoq.
Ukioq manna suliarisimasatsinni nuannarinersaavara, utoqqaat pisinnaasut inuiaqatigiinni atorluarneqarnerunissaannut suliniummik aaliangiussinerput. Ingammik meeqqat atuarfiini meeqqerivinnilu, utoqqaat ilisimasaannik atorluaanerulernissaq assut iluarisimaarlugu qilanaaraara aallartillualernissaa. Oqaluttuarisaanermi assarsornikkullu ilisimasaat naliitsuummata, tammatsaaliortariaqakkavut inuiaqatigiinni pingaarutillit.
Ilanngullugu nuannaarutigaara utoqqaat angerlarsimaffinni suli najugaqartut ulloq unnuarlu paarineqalernissaat kommunalbestyrelsemi isumaqatigiissutigisimagatsigu. Tassuuna qularnaarsinnaalertussaagatsigu utoqqaat sapinngisamik sivisunerpaamik namminneq najukkaminni najugaqarsinnaanissaat.
Juullertarnerni eqqaamasara pilluarnarnerpaaq tassaavoq aanaakkunni ullaakkut itertarnerput. Ullaakkut qalianiit ammukaraangatta suna tamarmi juullerpalulersimasoq. Ilaqutariiulluta ataatsimoorluta orpiliaqatigiittarnerput. Massakkut nammineq meeraqalernikuulluni juullip tungaanut piareersarujoortarneq nuannarisaqaara.
Kommuneqarfik Sermersuup juullimi unammisitsinerani #julenuuk-mut peqataanissat eqqaamajuk. Hashtag #julenuuk atorlugu Facebookimut Instagramimulluunniit assimik ikkussiguit unammisitsinermut peqataassaatit.