Kommueqarfik Sermersuup juullimi ammartagaa juullernissaata tungaanut ingerlavoq. Kommunalbestyrelsimi ilaasortat apersornikuuagut ukiup ingerlanerani suliaminni suut nuannarinersaasimaneraat aamma inuunerminni juullimi eqqaamasaminni suna nuannernersaanersoq.
Kommunalbestyrelsemi sulinitsinni piareersarluartarsimanerput assut nuannarivara. Siorarsiorfik Nuummilu illoqarfimmi inerisaanissamik pilersaarutit tassunga assersuutitut taasinnaavakka. Suliniut angisoorsuuvoq, kisiat piareersarneqarnerata ingerlasimanera nuannareqaara.
Nammineq Tunumiuugaluarlunga tamaanilu illoqarfiit Nuummisulli immaqa inerisimatiginngillat, kisiat aamma nalunngilara illoqarfiit pingaarnersaata nakuusuunissaa qanoq pingaaruteqartigisoq. Nuummi ineriartorneq Kommuneqarfik Sermersuup sinneranut siammarumaarpoq, neriuppungalu aamma nunap sinneranut aamma taamak sunniuteqarumaartoq.
Nunaqarfeerannguami – Ikkatsermi peroriartorpunga, tassanilu ataatanga ajoqiuvoq. Juullimi eqqaamasakka nuannernerpaat Ikkatsimeerput. Juullikkunni pilluarneq qanoq angitigisartoq eqqaamavara.
Ataatanga puisimik qaattarsimagaangami, tigua quip qaavanut ilillugu qeritittarpaa. Maannakkut juulleriartulermat suleqatinnut eqqaaqattaarpara qanoq juulleriartornera, meeraalluta qerisumik tiguttuutaa qiortaasaarnitsinnut eqqaanartitsiginerlugu.
Kommuneqarfik Sermersuup juullimi unammisitsinerani #julenuuk-mut peqataanissat eqqaamajuk. Hashtag #julenuuk atorlugu Facebookimut Instagramimulluunniit assimik ikkussiguit unammisitsinermut peqataassaatit.