Inissiat misileraataasut innuttaasunut angerlarsimaffeqanngitsunut ammarneqassapput
Inissianik suliniut nutaaq Naalakkersuisut Angerlarsimaffeqanngitsunut Periusissiaanniit angerlarsimaffeqanngitsut nutaanik najugaqarfittaartinnissaannut piareerpoq. Angerlarsimaffeqanngitsut 15-it misileraataasumik suliniummut, Kommuneqarfik Sermersuup aamma Naalakkersuisut akornanni suleqatigiiffiusumut, isertissapput. Misileraataasumik suliniut Kalaallit Nunaanni Housing First (Angerlarsimaffik Salliutillugu) aallaavigalugu misileraataavoq siullerpaaq, kommuninilu allani suliniutinut assingusunut ilisimasanik misilittakkanillu naleqarluartunik katersuiffiussalluni.
