Nuummi atuarfiit tamarmik iPaditaassapput

Nuummi atuarfiit tamarmik iPaditaassapput

Kommuneqarfik Sermersuumi suliniut Kivitsisa kommunimi atuarfinnik ineriartortitsineq ingerlateqqillugu Nuummi atuarfinni pingasuusuni ilinniartitsisut atuartullu tamarmik atuarfimmi atugassaanik iPadinik tunineqassapput. Atuarfik siulliulluni tunineqartussaq tassaavoq Kangillinnguit Atuarfiat, tassani iPadit sap.ak. 46-mi tunniunneqassammata. Kingorna Nuussuup Atuarfia sap. ak. 49-mi kingullertullu Atuarfik Samuel Kleinschmidt sap.ak. 2-mi tunineqassallutik.
Inuussutissarsiornermik ineriartortitsinissamut periarfissat pitsaanerpaat

Inuussutissarsiornermik ineriartortitsinissamut periarfissat pitsaanerpaat

Kommuneqarfik Sermersuup, Kalaallit Airportsip aamma Greenland Venturip najukkami suliffeqarfiit sisamanngornermi ualikkut Grønlandsbankip nerisarfiani ”soraajutigaluni ataatsimiinneq”-mut qaaqquai. Nuummi mittarfittaassaq inuussutissarsiornermut qanoq periarfissiissanersoq, suliffeqarfiillu ineriartortitsinermut qanoq peqataatinneqarsinnaanersut ualikkut ataatsimiinnermi sammineqarpoq.
Allagartap nipilersornermik ilinniarfiup aqqutaa takutissavaa

Allagartap nipilersornermik ilinniarfiup aqqutaa takutissavaa

Ukiuni kingullerni Sermersuumi Nipilersornermik ilinniarfik kommunimi innuttaasunut nipilersornermik ilinniartitsinermik neqerooruteqartarsimavoq. Massakkullu illut nipilersornermik ilinniarfiup inissisimaffiisa saavini igalaavinilu allagartarsualiisoqarpoq. Taamaalillunilu Nipilersornermik Ilinniarfik illoqarfimmi Kommuneqarfik Sermersuumi ersarinnerulissaaq, ilinniartullu ajornannginnerusumik ilinniariarfissartik nanisinnaalissavaat.