Illoqarfimmik Ineriartortitsinermut Sanaartornermullu Ataatsimiititaq suliani inatsisit naapertorlugit ataatsimiititamut suliassaritinneqartut malillugit aalajangiisassaaq.
Illoqarfimmik Ineriartortitsinermut Sanaartornermullu Ataatsimiititaq suliassaqarfiit illoqarfiup pilersaarusiorneranut tunngasut, Oqartussaaffeqarfinnut tunngasut, kiisalu sanaartornermut tunngasut kommunip suliassaanut tunngasut isumagisarai, taakkununnga ilanngullugit:
- Nunaminertanut Oqartussaaffeqarfik
- Sanaartornermut Oqartussaaffeqarfik
- Avatangiisinut Oqartussaaffeqarfik
- Illoqarfiup Pilersaarusiorneqarneranut Oqartussaqarfik
- Qatserisartoqarneq
- Illoqarfimmik inerisaaneq
- Sanaartugassat
- Sanaartornermut Iluarsartuussinermullu Aningaasaateqarfik
Ataatsimiititaq, Aningaasaqarnermut Inuussutissarsiornermullu Ataatsimiititaq aqqutigalugu, Kommunalbestyrelsimut makku pillugit inassuteqaateqartassaaq:
- Kommunimi pilersaarusiorneq (illoqarfiup ilaanut pilersaarusiorneq aamma qanoq illuuseqarnissamik pilersaarusiorneq il.il.).
- Nuna tamakkerlugu pilersaarusiornermut kommunip ilanngussai
- Sanaartugassanut Iluarsagassanullu Aningaasaateqarfik pillugu ukiumoortumik nassuiaat
- Akigititat
Ataatsimiititaq, Aningaasaqarnermut Inuussutissarsiornermullu Ataatsimiititaq, aqqutigalugu inissialiortiternerup annertusaavigineqarnissaanut pilersaarusianut tunngasunik Kommunalbestyrelsimut inassuteqaateqartassaaq.
Ataatsimiititap nakkutigissavaa kommunimut iluaqutaasussamik pigisanut aalaakkaasunut pisussaaffiit pisussaaffinnullu uppernarsaanerit eqqortinneqarnissaat.
Ataatsimiititaq kommunimi sanaartukkanut atortulersuutinullu sanatitsisuuvoq.
Ataatsimiititaq, Aningaasaqarnermut Inuussutissarsiornermullu Ataatsimiititaq aqqutigalugu, Kommunalbestyrelsimut makku pillugit siunnersuuteqartassaaq:
- Ataatsimiititap suliassaqarfiinut ataatsimut politikki
- Ataatsimiititap suliassaqarfiinut periusissat
- Ataatsimiititap suliassaqarfiinut ineriartortitsinermut pilersaarutit
Attaviguk
Ataatsimiititami siulittaasoq oqaloqatiginissaanut kissaatigaajuk? Immersugassaq una immersoriarlugu ataatsimiititami allatsimut Anna Rún Ólafsdóttir-imut nassiuguk mailimut: iiba@sermersooq.gl
