Siunertaa
Aningaasaqarnermut Inuussutissarsiornermullu Ataatsimiititap suliassat aqutsineq pillugu inatsimmi §25 aamma kapitali 5 naapertorlugit tassunga suliassarititaasut ingerlanneqarnissaat, tassunga ilanngullugit kommunimi aningaasarsianut sulisoqarnermullu, innuttaasunik kiffartuussineq kulturimullu tunngasut suliarivaat.
Ataatsimiititap isumagissavai kommunip aningaasatigut pilersaarusiorneqarnerata, tassunga ilanngullugu missingersuusiortarnermut najoqqutassiortarnerit, illuutinik aqutsineq, imigassanik kimittuunik kimikitsunillu tuniniaasinnaanermut sassaalliisinnaanermullu akuersissutinik suliaqarneq, missingersuutini aningaasaliissutinik nuussinerit, aammalu ataatsimiititanik ataavartunik, nunaqarfinni aqutsisunik aammalu najukkami ataatsimiititalianik ilaatigut kukkunersiuisut nassuiaataannik kommunalbestyrelsimut saqqummiussassat pillugit suleqateqarneq.
Aningaasaqarnermut Inuussutissarsiornermullu Ataatsimiititap aningaasanik nalillit ingerlanneqarneri kommunalbestyrelsimit aalajangikkat naapertorlugit pisarnersoq, nakkutigissallugillu kommunip karsiinik aamma kommunip naatsorsuutaanik ingerlatsinerit isumannaatsumik ingerlanneqarnersut, aammalu ukiumoortumik missingersuutini aningaasaliissutissatut nalunaarutigineqarsimasut kommunalbestyrelse akuersiseqqaarnagu ilassutitut aningaasaliissutitut isikkoqartillugit sippuisoqartannginnersoq nakkutigissallugu.
Ataatsimiititap kommunip attaveqaatitigut pisariaqartutigut aammalu inuussutissarsiornermut ineriartortitsinermut pilersaarutaasa ataqatigiinnerat qulakkiissavaa.
Ataatsimiititaq kommunalbestyrelsimut siunnersuusiortarpoq aamma inassuteqaasiortarpoq ukununnga attuumassuteqartunik:
- Ataatsimiititap susassaqarfiinut tunngasunut ataatsimut politikki
- Ataatsimiititap suliassaqarfiinut periusissat
- Ataatsimiititap suliassaqarfiinut ineriartortitsinermut pilersaarutit
Attaviguk
Ataatsimiititap siulittaasua pingasunngornerit tamaasa piffissami 15.00 – 16.00 naapinneqarsinnaavoq. Anna Rún Ólafsdóttir aqqutigalugu piffissamik inniminniisinnaavutit, oqarasuaat +299 36 70 00 imaluunniit aioe@sermersooq.gl
