Quppernermi uani utoqqarnut inissiat, ilanngullugit utoqqarnut inissiamik tunineqarsinnaanermut piumasaqaatit suut naammassineqarsimassanersut pillugit atuarsinnaavutit.
Utoqqarnut inissiaq imaluunniit innarluuteqartumut inissiaq naleqqussagaq tassaavoq inissiaq illuluunniit, utoqqaap innarluutillilluunniit pineqartup pisariaqartitaanik aallussisinnaajumalluni immikkut ittumik ilusilersorneqarsimasoq. Pissarsiarineqarsinnaaneranut atatillugu piumasaqaatit assigiinngitsut pigineqarput, assersuutigalugu:
Inuup timikkut piginnaasai aallaavigalugit inissiaq illuluunniit matumut silarlermut killilimmik amerlassusilinnik majuartarfeqarsinnaavoq, ajaperfissat naleqqussakkat aamma ilaassallutik.
Utoqqaap imaluunniit innarluutillip inaanut sulisunik attuumasunik peqartoqartanngilaq. Taamaammat annertunerusumik ikiorneqarniaraanni, angerlarsimaffimmi ikiorti imaluunniit taamaaqataanik immikkoortortaqarfik kommunimut atasoq attaveqarfigineqarsinnaavoq.
Piumasaqaatit
Utoqqarnut inissiat aamma innarluutilinnut inissiat tassaapput, innuttaasunut tamanut timikkut piginnaassutsikkut appasissumik piginnaaneqalersimasunut inissianik atorfissaqartitsisunut atugassiat, inuup timikkut piginnaassuteqarneranut naleqqussarneqarsimasut. Tassa imaappoq:
Inuit tarnikkut innarluutillit timikkullu piginnaasakillisimanngitsut, utoqqarnut imaluunniit innarluutilinnut inissiamik pissarsisinnaanngillat.
Ineqarnermut akiliut
A/S INI-p ineqarnermut akiliutip annertussusissaa aalajangertarpaa.
Utoqqarnut inissianut innersuunneqarnermut tunngasunik apeqqutissaqaruit Suliffeqarnermut Isumaginninnermullu Ingerlatsivik attaveqarfigiuk