Quppernermi uani peqatigiiffiit kommunimiittut, aammalu peqatigiiffiit kommunimut qanoq isumaqartiginerat paasisaqarfigisinnaavat.
Timersornissamik aalanissamillu tamanut neqerooruteqartoqarnissaa Kommuneqarfik Sermersuumit pingaartipparput – tamassuma peqqinnartuunera, nuannaartitsisarnera inuunermillu pitsaasumik sunniuteqartarnera pissutigalugit. Attaveqaatit, sungiusarfissat allarpassuit pillugit uani paasisaqarnerusinnaavutit.
Timersoqatigiiffiit ingerlataat peqqissuunissamik sunngiffimmilu sammisaqarnissamik pilerilersitsisarput. Ataasiakkaarluni timersornermiit iligiikkaarluni timersornerit matumani takusinnaavatit. Timersuut suna soqutiginerlugu inummiit inummut assigiinngitsuuvoq, ilaat kisimiillutik timersorusuttarput ilaasalu ataatsimuussuseq iligiikkaarlunilu timersorneq pingaaartitaralugu. Timersorneq sunngiffimmilu sammisaqarneq peqqinnartuupput, inuiaqatigiinnilu pingaaruteqartumik inissisimallutik.
Kajumissutsiminnik sungiusaasut, aqutsisut allallu timersornerup siluarsuaani akuulluinnartut timersoqatigiiffiit ulluinnarni ingerlanerannut timersortartunullu pingaaruteqarput, taakku meeqqat inuusuttullu soorunalumi inersimasut utoqqaallu ineriartornerannut pingaaruteqartumik inissisimapput, annertuumillu sunniuteqarlutik.