Quppernermi uani qimmiuteqarnissamut qitsuuteqarnissamullu qinnuteqarnermut paasissutissat nassaarisinnaavatit – Uani ilaapput Qimmit Qitsuillu pillugit maleruagassat aammalu qinnuteqaatinut assigiinngitsunut immersugassat skemallu.
Qimmeqarusukkuit qitsuteqarusukkuilluunniit akuersissummik qanoq qinnuteqassanersutit malittarisassallu suut atuuttuunersut quppernerni ukunani paasisaqarfigisinnaavatit. Taakku saniatigut qimmilerisoq qimmiutit qimaasoortissimagukku qimmimilluunniit angalaannartumik takusaqaruit attavissat pillugu paasisaqarsinnaavutit.
Kommuneqarfik Sermersuumi qimmeqarusukkuit qitsuuteqarusukkuilluunniit akuersissummik qinnuteqassaatit. Taamaaliorsinnaavutit immersugassaq quppernerup naqqaniittoq aagukku.
Tamatuma kingorna skiima immersorneqarsimasoq pisariaqartunik paasissutissartalik uunga nassiutissavat, Kommuneqarfik Sermersooq, Postboks 1005, 3900 Nuuk. Kommuneqarfiup Allaffiata saaffiginnittarfianut tunniussinnaavat imaluunniit innuttaasunut saaffiginnittarfiup mailianut nassiullugu uunga SAI@sermersooq.gl
Malugiuk, kalaallit qimmiinik qimuttunik Kommuneqarfik Sermersuumut eqqusseqqusaanngammat, qimmimik qitsummillu Danmarkimeersumik nunanit allaneersumilluunniit eqqussissaguit Kalaallit Nunaata Sinniisoqarfianut Danmarkimiittumut akuersissummik pisimassaatit, iserfissaq “Qimminik qitsunnilluunniit angallassineq” innersuussutigalugu.
Uumasuutinik kommunimiititsinissaq kisimi Kommuneqarfik Sermersuup akuersissuteqarfigisinnaavaa, inigisami uumasuuteqarnissaq ajornartinneqannginnersoq inimik attartortitsisunnut paasiniaqqaaruk.
Qimmit qitsuillu pillugit ileqqoreqqusaq
Kommunimi qimmeqarnermi qitsuuteqarnermilu pissutsinut tunngasut kommunip qimmit qitsuillu pillugit ileqqoreqqusaani aalajangersarneqarput. Ileqqoreqqusani ilaatigut piaqqisinnaajunnaarsitsinermut, nalunaaqutsersuinermut, nalunaarsuinermut, akiuussutissiinermut aammattaaq eqqissisimatitsinermut ileqqorissaarnissamullu tunngasut aalajangersaaffigineqarput. Ileqqoreqqusaq uani aasinnaavat.
Skiimat immersugassallu
Qimmiuteqarnissamut qitsuuteqarnissamullu akuersissummik qinnuteqarneq
Qimmimik piginnittup allanngortinnissaanut qinnuteqaat
Qitsummik piginnittup allanngortinnissaanut qinnuteqaat
Qinnuteqarnermi uppernarsaatit ilanngunneqassapput.