Sanarfinermut Avatangiisinullu Ingerlatsivimmit Kangerlupilummi kangerliumarnup qinnguani puttasuliornissaq pillugu nunaminertamik qinnuteqaammik tigusaqartoqarpoq.
Puttasut qinnutigineqartut katillugit 34 meterip missaanik takissuseqassapput aamma 2,4 meterimik silissuseqassalluni 11,25 meterip missaanik immikkoortunut agguataarneqarsimasumik. Puttasut taliffittut nunamullu ikaarfittut pilersinneqassapput.
Inissisimaffissaa sumiiffimmi illuaqqat pioreersut qimaamillugit nunamut taliffissamik pilersitsinissamik siunertaqarluni toqqarneqarpoq. Nunamut taliffissaq ilutigalugu Kangersunermut ikaarfikkut nerukinnerpaakkut aqqutiliisinnaavoq.
Sumiiffimmi immakkut angalasunut tikeraanullu aqqutit pitsanngorsarnissaat qinnuteqarnermut siunertaavoq.
Immikkoortoq Kommunip pilersaarummut 2036-mut Nunaannarmut pilersaarut 2-3-mut ilaavoq, immikkoortup ilaa 100M72 Neriunaq.
| Sumiiffik / Lokalitet | Avann. / Nord | Kipp. / Vest | A-nr. |
| Kangerlupiluk | 64°28’38″N | 50°14’8″V | A-1390 |
Qinnuteqaat pillugu oqaaseqaatissaqaruit akerliliissutissaqaruilluunniit Sanarfinermut Avatangiisinullu Ingerlatsivimmut nassiussinnaavatit, kingusinnerpaamik ulloq 26. maj 2026.
Tusarniummut akissuteqaat ima nalunaaqutserneqassaaq BOG-2020-11112-509.
Oqaaseqaatit uunga nassiunneqassapput:
Kommuneqarfik Sermersooq
Sanarfinermut Avatangiisinullu Ingerlatsivik
Sanaartornermut Immikkoortortaqarfik
Postboks 1005, 3900 Nuuk
