Illoqarfimmik Inerisaaneq

Sinerissap qanittuani aalisarneq pillugu immikkoortumut pilersaarutitut siunnersuut

7 months tilbage

Aningaasaqarnermut Inuussutissarsiornermullu Ataatsimiititap juunip 25-anni 2020-mi ataatsimiinnermini aalajangerpaa, Immikkoortumut pilersaarutitut siunnersuut tamanut tusarniaassutigineqassasoq.

Siunertaa

Sinerissap qanittuani aalisarneq pillugu immikkoortumut pilersaarutip siunertaraa, kommunimi umiatsiaararsorluni aalisartut atortutigut atugarisaasa periarfissaasalu qulaajarneqarnissaat, tullinnguullugulu kommunip atortorissaarutaasa periarfissaasalu pitsanngorsarneqarnissaat imaluunniit atorunnaarsikkiartuaartinnissaat. Taamaasilluni immikkoortumut pilersaarut qinikkat suliassaqarfimmut tunngatillugu aalajangernissaannut ineriartortitsinissaannullu sakkussaavoq tunngavissaallunilu.

Immikkoortumut pilersaarut saqqummiunneqarpoq kommunimi illoqarfinni nunaqarfinnilu assigiinngitsuni periarfissarititaasunik misissuisitsineq tunngavigalugu. Tamanna maannakkut pissutsinik tamakkiisumik takussutissiivoq. Suliap ingerlanerani matumani soqutigisaqartut najukkani piniartut peqatigiiffiinik ataatsimeeqateqartarput, soqutigisaqartullumi aamma kissaatigisanik assigiinngitsunik pingaarnersiuinermi peqataatinneqarput. Tamanna pereermat kommunip sanaartugassanut missingersuutaanut ilanngullugit suliarineqassapput.

Tamanut oqallisissiaq

Siunnersuut tamanut tusarniaassutigisassanngorlugu sapaatip-akunnerini qulini saqqummiunneqarpoq, piffissami juulip 8-niit septembarip 16-iannut 2020.

Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.

Oqaaseqaatit akerliliissutillu Kommuneqarfik Sermersuumi ulloq 16. septembari 2020 nallertinnagu tiguneqareersimassapput, nassiunneqassappullu uunga Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunnit mailikkut: plan@sermersooq.gl

Oqaaseqaatit akerliliissutillu piffissarititap iluani tiguneqartut Immikkoortumut pilersaarut Kommunalbestyrelsip inaarutaasumik suliarineranut ilaatinneqassapput.

Pilersaarut uani takuneqarsinnaavoq

Immikkoortumut pilersaarutitut siunnersuut kommunip nittartagaani www.sermersooq.gl-imi tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq