Illoqarfimmik Inerisaaneq

SERMERSOOQ 2032 KOMMUNIMUT PILERSAARUMMUT siunnersuut

5 months tilbage

Kommunalbestyrelse ulloq 6. oktobari 2020 aalajangerpoq Sermersooq 2032-mut kommunip pilersaarutaanik iluarsartuutamik siunnersuuteqarluni tamanut tusarniaassutiginiarlugu.

Siunertaq

Sanarfinermut Avatagiisinullu Ingerlatsivik Kommuneqarfik Sermersooq tamaat eqqarsaatigalugu kommunimut pilersaarummik iluarsaassilluni siunnersuusiorsimavoq.

Siunnersuut Kommunimut pilersaarummi atuuttumi, Pilersaarummut periusissiami P18-imi aalajangiunneqarsimasumi, ilaatigut iluarsartuullugu siunnersuusiaavoq, tamanna aamma kommunimut pilersaarutip ukiut sisamakkaarlugit iluarsarneqartarnissaanik peqquteqarpoq. Kommunimut pilersaarummut siunnersuut uani nassaarineqarsinnaavoq: https://kp.sermersooq.gl

Tamanut oqallisissiaq

Siunnersuut piffissami 14. oktobari – 9. decembari 2020-p tungaanut sapaatit-akunnerini arfineq-pingasuni tamanut tusarniutigineqassaaq

Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.

Oqaaseqaatit akerliliissutillu Kommuneqarfik Sermersuumi tiguneqareersimassapput ulloq 9. decembari 2020 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl

Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.

Inatsisinut tunngasut

Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.

Pilersaarut uani takuneqarsinnaavoq

Forslag til kommuneplan kan læses på https://kp.sermersooq.gl