Kommunalbestyrelse ulloq 29. novembari 2022 aalajangerpoq pilersaarutitut qinnuteqaat ” Sermeq City” sapaatip akunnerini 10-ni tamanut tusarniaassutigineqassasoq
Siunertaa
Sanarfinermut Avatangiisinullu Ingerlatsivik, tak. Inatsisartut inatsisaat nr. 34, 9. december 2015-imeersoq, qinnuteqaammik Nuummi Nuukullammi sanaartornissamut nunaminertamik inniminniinermut tunngasumik Prime View ApS-imiit tigusaqarpoq. Qinnuteqaammi pineqarpoq nunaminertaq ataqatigiissoq 1C1 aamma 1D9, taannalu Kommunimut pilersaarut malillugu pingaarnertut aalajangiinertigut pilersaarusiorneqarnikuuvoq. Aammattaaq sanaartornissamik siunnersuummut ilaavoq sinerissap qanittuanik sapusersuilluni nunamininngortitsineq.
Pilersaarut kommunip illoqarfimmik alliartortitsinissamik pilersaarusiaanut pingaarnernut naapertuulluarpoq.
Sanaartornissamik qinnuteqaammut ilaavoq inissianik 350 angullugit amerlassusilinnik, inuussutissarsiutinik biilillu unittarfiinik umiarsualivimmilu pisuttuartarfissamik kusassakkamik sanaartornissaq.
Qinnuteqartoq tamaani illuuteqarpoq, kisianni pilersaarummi tamakkiisumi nunaminertat sanaartorfigineqareersimasut qinnuteqartup piginngisai ilanngunneqarsimapput. Taamaattumik ingerlatsiviup erseqqissassavaa tamaani illunut pigineqareersunut tunngatillugu nunaminertanik piginnittut erseqqissumik isumaqatigiissuteqarfigereertinnagit sanaartornissamik qinnuteqaat akuerineqarsinnaanngitsoq.
Tamanut oqallisissiaq
Siunnersuut tamanut tusarniaassutigisassanngorlugu sapaatit-akunnerini 10-ni saqqummiunneqassaaq piffissami 07.12-2022 – 15.02-2023.
Piffissami tusarniaaviusumi siunnersuut pillugu oqaaseqaateqartoqarlunilu akerliliissuteqartoqarsinnaavoq. Oqaaseqaatit akerliliissutillu Kommuneqarfik Sermersuumi ulloq 15.02.2023 nallertinnagu tiguneqareersimassaput nassiunneqassappullu uunga Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunnit mailikkut: plan@sermersooq.gl
Piffissarititap iluani oqaaseqaatit akerliliissutillu tiguneqartut kommunimut pilersaarummut tapiliussap Kommunalbestyrelsip inaarutaasumik suliarineranut ilaatinneqassapput.
Pilersaarut uani atuarneqarsinnaavoq
Illuliornissamut qinnuteqaat kommunip nittartagaani www.sermersooq.gl-imi tusarniaanerni atuarneqarsinnaavoq, kommunimi innuttaasunik kiffartuussivimmi, kommunillu nittartagaani www.sermersooq.gl-imi imaluunniit Sanarfinermut Avatangiisinullu ingerlatsivimmut oqarasuaammut 36 74 00-imut sianerluni saaffiginninnikkut pissarsiarineqarsinnaavoq.