Kommunalbestyrelsip pilersaarummut qinnuteqaat ” Nunataaq” sapaatip-akunnerini arfineq-pingasuni tamanut tusarniaassutigineqassasoq ulloq 29. Novembari 2022 aalajangerpaa.
Siunertaa
Sanarfinermut Avatangiisinullu Ingerlatsivik, Inatsisartut inatsisaat nr 34, 9. december 2015-imeersoq naapertorlugu, Grønlands Maritime Centerimit aamma Jens Salling-imit pilersaarutitut qinnuteqaammik tigusaqarpoq. Pilersaarummik piginnittunit immikkoortup ilaa 2B5-ip, Qeqertat Avannarlerni Inuussutissarsiuteqarfimmi, nunniorneqarnissaa kissaatigineqarpoq aamma uku pilersinneqarnissaat:
- Nunaminertat sanaartugarlu umiartornermik ilinniartitsinermi isumannaallisaanermut pikkorissaaviusoq
- Annaassiniarnermi atortunut ikaartarfik
- Nunaminertat illullu aalisakkeriviup sullissineranut aamma sakkunut atortussanullu inissiivissatut atorneqartussat
Pilersaarut kommunip illoqarfimmik alliartortitsinissamik pilersaarusiaanut pingaarnernut naapertuuppoq.
Tamanut oqallisissia
Siunnersuut tamanut tusarniaassutigisassanngorlugu sapaatit-akunnerini 8-ni saqqummiunneqassaaq piffissami 07.12-2022 – 01.02-2023.
Piffissami tusarniaaviusumi siunnersuut pillugu oqaaseqaateqartoqarlunilu akerliliissuteqartoqarsinnaavoq. Oqaaseqaatit akerliliissutillu Kommuneqarfik Sermersuumi ulloq 01.02.2023nallertinnagu tiguneqareersimassaput nassiunneqassappullu uunga Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunnit mailikkut: plan@sermersooq.gl
Piffissarititap iluani oqaaseqaatit akerliliissutillu tiguneqartut kommunimut pilersaarummut tapiliussap Kommunalbestyrelsip inaarutaasumik suliarineranut ilaatinneqassapput.
Pilersaarut uani atuarneqarsinnaavoq
Illuliornissamut qinnuteqaat kommunip nittartagaani www.sermersooq.gl-imi tusarniaanerni atuarneqarsinnaavoq, kommunimi innuttaasunik kiffartuussivimmi, kommunillu nittartagaani www.sermersooq.gl-imi imaluunniit Sanarfinermut Avatangiisinullu ingerlatsivimmut oqarasuaammut 36 74 00-imut sianerluni saaffiginninnikkut pissarsiarineqarsinnaavoq.