Kommunalbestyrelsip pilersaarummut qinnuteqaat ”Nuussuarmi uiguleriiaat” sapaatip-akunnerini arfineq-pingasuni tamanut tusarniaassutigineqassasoq ulloq 03. oktobari 2023 aalajangerpaa.
Siunertaq
Sanarfinermut Avatangiisinullu Ingerlatsivik, Inatsisartut inatsisaat nr. 34, 9. december 2015-imeersoq naapertorlugu, Clement og Carlsen Arkitekter m.a.a. Aps-imit Rambøll A/S suleqatigalugu pilersaarutitut qinnuteqaammik tigusaqarpoq.
Qinnuteqaammi pineqarpoq immikkoortup ilaa nunaminertaq ataqatigiissoq 2D3, Manngua, kommunimut pilersaarut malillugu pingaarnertut aalajangiinertigut pilersaarusiorneqarnikoq.
Pilersaarut kommunip illoqarfimmik alliartortitsinissamik pilersaarusiaanut pingaarnernut naapertuuppoq.
Pilersaarummik qinnuteqaammi siunnersuutigineqarpoq, sanaartukkat inissiat 11-t uiguleriinni marlunni avillugit nunaminertami katillugu 1217,7 m2 inissisimasussat. Tassunga ilaallutik biilinut inissiivissat inissiallu tungaannut aqqusineeqqat.
Tamanut oqallisissianngortitsineq
Siunnersuut sapaatip-akunnerini 8-ini tamanut tusarniaassutigisassanngorlugu saqqummiunneqassaaq, piffissami 11. oktobari – 6. decembari 2023.
Piffissami tusarniaaviusumi siunnersuut pillugu oqaaseqaateqartoqarlunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi ulloq 6. decembari 2023 nallertinnagu tiguneqareersimassapput nassiunneqassappullu uunga Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunnit mailikkut: plan@sermersooq.gl
Piffissarititap iluani sanaartugassat, oqaaseqaatit akerliliissutillu tiguneqartut kommunimut pilersaarummut tapiliussap Kommunalbestyrelsip inaarutaasumik suliarineranut ilaatinneqassapput.
Pilersaarut uani atuarneqarsinnaavoq
Illuliornissamut qinnuteqaat kommunip nittartagaani tusarniaanerni atuarneqarsinnaavoq, kommunimi innuttaasunik kiffartuussivimmi imaluunniit Sanarfinermut Avatangiisinullu ingerlatsivimmut oqarasuaammut 36 74 00-imut sianerluni saaffiginninnikkut aamma pissarsiarineqarsinnaavoq.