Kommunalbestyrelsip pilersaarummut qinnuteqaat ”Niels Hammekenip Aqqutaani Villat” tamanut tusarniaassutigineqassasoq maajip 23-anni 2023-mi aalajangerpaa.
Siunertaq
Sanarfinermut Avatangiisinullu Ingerlatsivik, Inatsisartut inatsisaat nr. 34, 9. december 2015-imeersoq innersuussutigalugu, pilersaarutitut qinnuteqaammut Niels Hammekenip Aqqutaani inissiat tungaanut aqqutaareersumi nunaminertamik inniminniinermut tunngasumik EMJ-Atcon A/S-imiit tigusaqarpoq. Qinnuteqaammi pineqarluni immikkoortup ilaani 1D3-mi nunaminertaq ataqatigiissoq, Nuuk Kujammut sineriaa aamma Saqqarliit, soorlu kommunimut pilersaarummi pingaarnertut aalajangiinertigut pilersaarusiorneqarnikuusoq.
Pilersaarut kommunip illoqarfimmik alliartortitsinissamik pilersaarusiaanut pingaarnernut naapertuuppoq.
Pilersaarutitut qinnuteqaammi pineqarluni inissiat tungaannut aqqutaareersumi ilaqutariinnut ataatsinut illut qulit 1920 m2-inik annertussuseqartut. Taakku saniatigut pinnguartarfik minneq, biilinut inissiivik kiisalu sineriammi aqqut pilersinneqassapput.
Tamanut oqallisissianngortitsineq
Siunnersuut tamanut tusarniaassutigisassanngorlugu saqqummiunneqassaaq, piffissami 31. maaji 2023 – 8. septembari 2023.
Piffissami tusarniaaviusumi siunnersuut pillugu oqaaseqaateqartoqarlunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi ulloq 8. septembari 2023 nallertinnagu tiguneqareersimassapput, nassiunneqassappullu uunga Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunnit mailikkut: plan@sermersooq.gl
Piffissarititap iluani sanaartugassat, oqaaseqaatit akerliliissutillu tiguneqartut kommunimut pilersaarummut tapiliussap Kommunalbestyrelsip inaarutaasumik suliarineranut ilaatinneqassapput.
Pilersaarut uani atuarneqarsinnaavoq
Illuliornissamut qinnuteqaat kommunip nittartagaani tusarniaanerni atuarneqarsinnaavoq, kommunimi innuttaasunik kiffartuussivimmi, kommunillu nittartagaani imaluunniit Sanarfinermut Avatangiisinullu ingerlatsivimmut oqarasuaammut 36 74 00-imut sianerluni saaffiginninnikkut pissarsiarineqarsinnaavoq.