Kommunalbestyrelse ulloq 29. november 2022 aalajangerpoq pilersaarutitut qinnuteqaat ”Godthåb Jagtforening aamma Biathlonertarfik” sapaatip akunnerini 10-ni tamanut tusarniaassutigineqassasoq
Siunertaa
Sanarfinermut Avtangiisinullu Ingerlatsivik, naleq. Inatsisartut inatsisaat nr 34, 9. december 2015-imeersoq, Prime View APS-imiit pilersaarutitut qinnuteqaammik tigusaqarpoq, taanna Godthåb Jagtforening-ip ooqattaasartarfiata nuunneqarnissaanik, nutarterneqarnissaanik aamma allilerneqarnissaanik kissaateqarpoq. Taamaalilluni ooqattaasartarfik pineqartoq sinerissamut qanittumi 1D9-mi Avannarlinnguaniit, Nuukullak, 3D9-mut Nuffiumanermut, Aanaap illuata avannaatungaanut, nunneqassaaq, taanna kommunimut pilersaarut malillugu taamaallaat pingaarnertut aalajangersaavigineqarluni pilersaarusiorfigineqarpoq. Pilersaarutitut qinnuteqaammi nunaminertap Nuukullammi illoqarfiup ilaani Nuukullammiittumi suliniummut nutaamut atugassanngortinneqarnissaa siunertarineqarpoq.
Pilersaarutitut qinnutigineqartumiipput ooqattaasartarfiit pingasut pilersinneqarnissaat (biathlonertarfik, ooqattaasartarfik aamma skeet, trap aamma sporting-inut ooqattaasartarfiit) kiisalu klubbip illua biilinullu uninngasarfik.
Pilersaarut kommunip tamakkiisumik siunnerfiinut aamma immikkoortumut pilersaarutaanut naapertuuppoq.
Tamanut oqallisissiaq
Siunnersuut tamanut tusarniaassutigisassanngorlugu sapaatit-akunnerini 10-ni saqqummiunneqassaaq piffissami 07.12-2022 – 15.02-2023.
Piffissami tusarniaaviusumi siunnersuut pillugu oqaaseqaateqartoqarlunilu akerliliissuteqartoqarsinnaavoq. Oqaaseqaatit akerliliissutillu Kommuneqarfik Sermersuumi ulloq 15.02.2023nallertinnagu tiguneqareersimassaput nassiunneqassappullu uunga Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunnit mailikkut: plan@sermersooq.gl
Piffissarititap iluani oqaaseqaatit akerliliissutillu tiguneqartut kommunimut pilersaarummut tapiliussap Kommunalbestyrelsip inaarutaasumik suliarineranut ilaatinneqassapput.
Pilersaarut uani atuarneqarsinnaavoq
Illuliornissamut qinnuteqaat kommunip nittartagaani www.sermersooq.gl-imi tusarniaanerni atuarneqarsinnaavoq, kommunimi innuttaasunik kiffartuussivimmi, kommunillu nittartagaani www.sermersooq.gl-imi imaluunniit Sanarfinermut Avatangiisinullu ingerlatsivimmut oqarasuaammut 36 74 00-imut sianerluni saaffiginninnikkut pissarsiarineqarsinnaavoq.