Illoqarfimmik Inerisaaneq

Pilersaarusiassatut siunnersuut Mitsimmavik

2 years tilbage

Pilersaarusiornermut inatsit nutaaq naapertorlugu Kommunalbestyrelsip apriilip 30-anni 2019 aalajangerpaa, pilersaarusiassatut siunnersuut Mitsimmavik sapaatit-akunnerini arfineq-pingasuni tamanut tusarniaassutigineqassasoq, piffissami 8. maaji – 3. juuli 2019.

Mitsimmavik

Suliassaq Qinngutsinni inissisimavoq, tamaanilu 160-inik inissialiortoqarnissaanut attuumassuteqarluni, kiisalu meeqqerivik sukisaarsaartarfiillu sanaartorniarneqarput, taakkununnga sissaq sinerlugu aqqut ilaatinneqarluni. Pilersaarusiassaq kommunip nittartagaatigut sermersooq.gl-ikkut aaneqarsinnaavoq.

Pilersaarusiornermut inatsit nutaaq

Ulloq 01.01.2016 pilersaarusiornermut inatsit nutaaq atuutilerpoq, ajornannginnerusumik pilerinarnerusumillu aningaasaliissuteqarnissamut oqinnerulersitsisussaq. Pilersaarusiornermut inatsisip allannguutaa nutaaq naapertorlugu, Pilersaarutit kommunimut pilersaarummut imaluunniit politikkikkut takorluukkanut naapertuutinngippata Kommunalbestyrelsimit qaqugukkulluunniit unitsinneqarsinnaasut eqqaamaneqassaaq.

Oqaaseqaatit, Akerliliissutit suliniutilluunniit allaanerusut

Oqaaseqaatit, akerliliissutit suliniutillu 3. juuli 2019 nallertinnagu uunga nassiutissapput, plan@sermersooq.gl.

Pilersaarutit sukumiisumik titartarneqarlutillu allaaserineqarsimasussaapput, taakkulu saniatigut kommunip pilersaaruteqarnissamut qinnuteqaatinut allattuiviani piumasaqaatinut naammassinnittuussallutik.