Illoqarfimmik Inerisaaneq

Pilersaarummut ”Pinguaqqami i nissiat 48-t” immikkoortortami 4D11, Nuussuarmi qinnuteqaat

4 weeks tilbage

Kommunalbestyrelsi ullormi 30 august 2022-mi aalajangerpoq Pinguaraq 48-mi inissiat pillugit pilersaarummut qinnuteqaat tamanut tusarniutiginiarlugu.

Siunertaq
Inatsisartut inatsisaat nr. 34, 9. december 2005 naapertorlugu pilersaarutitut qinnuteqaat ”Pinguaqqami i nissiat 48-t” Sanarfinermut Avatangiisinullu Ingerlatsivimmi tiguneqarpoq. Qinnuteqaatigineqartoq immikkoortortami 4D11-miippoq immikkoortortamut inissiaqarfiusumut 4A6-imut Pinguaraq, Nuussuarmiittumi eqqaaniilluni. 
Pilersaarut marlunnik inissiarsuarnik peqarpoq tamarmik arfinilinnik quleriillit.  Inissiarsuit tamarmik 24-nik inissiartaqarput assigiinngitsunik angissusilinnik.  Illup saavi qorsunnik marlunnik assigiinngitsunik qalipaateqarput.

Tamanut oqallisissianngortitsineq
Siunnersuut tamanut tusarniaassutigisassanngorlugu sapaatit-akunnerini arfineq-pingasuni piffissami 7. september – 2. november 2022-p tungaanut  saqqummiunneqarpoq.

Piffissami tusarniaaviusumi siunnersuut pillugu oqaaseqaateqartoqarlunilu akerliliissuteqartoqarsinnaavoq.

Oqaaseqaatit akerliliissutillu Kommuneqarfik Sermersuumi  ulloq 2. november 2022  nallertinnagu tiguneqareersimassapput, nassiunneqassappullu uunga Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunnit mailikkut: plan@sermersooq.gl

Piffissarititap iluani oqaaseqaatit akerliliissutillu tiguneqartut kommunimut pilersaarummut tapiliussap Kommunalbestyrelsip inaarutaasumik suliarineranut ilaatinneqassapput.

Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut sanaartorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.

Pilersaarut uani atuarneqarsinnaavoq
Kommunimut pilersaarummut tapiliussassatut siunnersuut kommunip nittartagaani tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.