Paamiut pillugit Tamakkiisumik Pilersaarut 2024-mut siunnersuut sapaatit akunnerini arfineq pingasuni tamanut tusarniaassutigineqarpoq, piffissami uani: 23.08.2023 – 18.10.2023.
Paamiut pillugit 2024-mut Tamakkiisumik Pilersaarummi illoqarfiup qanoq ineriartortinnissaata illoqarfiup pitsaaqutai, unammillernartui, isumalluutai, periarfissai siunissamilu kissaatit ukkatarineqarput. Takornarialerinermi inuussutissarsiornermiluunniit periarfissat uani pilersaarummi allaaserineqarnissaat siunertaanngilaq, illoqarfimmili ulluinnarni inuuneq illoqarfimmilu uummarissuutitsineq qitiutinneqarlutik.
Paamiut pillugit Tamakkiisumik Pilersaarummut siunnersuut kommunip nittartagaani sermersooq.gl-imi Tusarniaatit toorlugu imaluunniit Sanarfinermut Avatangiisinullu Ingerlatsivimmut saaffiginninnikkut oqarasuaammut uunga sianerluni atuarneqarsinnaavoq: 36 74 00.
Oqaaseqaatit aamma akerliliissutit plan@sermersooq.gl-imut nassiunneqassapput aamma kingusinnerpaamik ulloq 18.10.2023 Kommuneqarfik Sermersuumit tiguneqareersimassapput.
