Aninagasaqarnermut Inuussutissarsiornermullu Ataatsimiititap aggustip 14-ianni 2018 aalajangerpaa, kommunimut pilersaarummut tapiliussatut siunnersuut O9 tamanut tusarniaassutigineqassasoq
Tusarniaarnermi piffissaq:
29. aggusti 2018 til
24. oktobari 2018
Tusarniaassutigineqartut:
Siunnersuut_Nuummi illut eriaginartut pillugit periusissaq
Forslag_Strategi for bevaringsværdige bygninger i Nuuk
Akissuteqaat uunga nassiuguk:
plan@sermersooq.gl
KOMMUNIMUT PILERSAARUMMUT TAPILIUSSAP SIUNERTAA
Kommunimut pilersaarummut tapiliussatut siunnersuut Nuummi illut eriaginartut kommunimut pilersaarummi Illoqarfiup assinga Nuummut tunngaveqalersinneqarnissaa, taamaasillunilu Nuummi illutoqqat kingornussat eriagineqarnissaasa nukittorsarneqarnissaat siunertaavoq. Taamaasilluni kommunimut pilersaarummut tapiliussaq aamma Illoqarfiup assinga Nuuk ingerlatsivimmut illunillu piginnittunut atorluagassaassaaq Nuummi illutoqqat kingornussat eriaginissaannut nukittorsarnissaannullu tunngatillugu.
Kommunimut pilersaarummut tapiliussatut siunnersuummi Nuummi illut sorliit eriaginartuunersut, qanorlu aserfallatsaalineqartariaqarnersut pillugit inaarutaasumik aalajangersaaffigineqarput.
Nuuk Illoqarfiup assinga tassaavoq Kommuneqarfik Sermersuumi Nunatsinnilu kulturimut tunngasunik ujarlerfissat siullersaat, aammalu tassaalluni Nuummi illutoqqat kingornussat ukkatarineqarnissaannut eriagineqarnissaannut nukittorsarneqarnissaannullu suliniuteqarnissamut atortussaq.
Kommunimut pilersaarummut tapiliussaq Nuuk Illoqarfiup assinga peqatigalugu ingerlatsiviup sullissinerani illunillu eriaginartunik isumaginninnerani pingaarutilittut atortuussaaq, peqatigitillugulu illunik piginnittunut ataasiakkaat illunik eriaginartunik aserfallatsaaliinissaannut iluaqutaassalluni.
TAMANUT OQALLISISSIAQ
Pilersaarutitut siunnersuut piffissami 29. aggustimiit 24. oktobari 2018-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput oktobari 24-at 2018 nallertinnagu, uunga nassiunneqassallutik
Kommuneqarfik Sermersooq
Sanarfinermut Avatangiisinullu Ingerlatsivik
Postboks 1005
3900 Nuuk
imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
INATSISINUT TUNNGASUT
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
PILERSAARUT UANI TAKUNEQARSINNAAVOQ
Kommunimut pilersaarummut tapiliussatut siunnersuutit kommunip nittartagaani sermsersooq.gl-imitusarniaanernut iserluni aaneqarsinnaavoq, kommunip saaffiginnittarfiani pissarsiarineqarsinnaalluni imaluunniit Sanarfinermut Avatangiisinullu ingerlatsivimmut uunga sianerluni 36 74 00 saaffiginninnikkut pissarsiarineqarsinnaalluni.