Kommunimut pilersaarummut tapiliussaq sunaava?
Kommunimut pilersaarusiorneq ingerlaavartumik suliaavoq taamaattumillu kommunalbestyrelsip Pilersaarusiornermut inatsit naapertorlugu (Pilersaarusiorneq aamma nunaminertanik atuineq pillugit Inatsisartut inatsisaat nr. 17, 17. Novembari 2010-meersoq) pisariaqartitsineq naapertorlugu kommunimut pilersaarut nutartissallugu pisussaatitaavoq. Taamatut allannguutinik attuumassuteqartunik pilersaarummulluunniit ilassutissanik ingerlaavartumik saqqummiussuinikkut nutarterisoqartassaaq.
Taamaalilluni Kommunalbestyrelse sukkulluunniit nunaminertat illullu atorneqarnissaannut nunaminertat pillugit sukumiinerusunik aalajangersagartalimmik kommunimut pilersaarummut tapiliussaliorsinnaavoq. Tamatuma saniatigut Kommunalbestyrelse sukumiisunik aalajangersagartalimmik kommunimut pilersaarummut tapiliussaliortussaatitaavoq:
- Nunap tamakkerlugu pilersaarusiornerup aamma Kommunimut pilersaarutip piviusunngortinneqarnissaanut qulakkeerinninnissaq pisariaqartinneqaleraangat.
- Annertunerusunik sanaartornissanut atortulersuinissanulluunniit nunaminertanik atugassiisoqannginnerani.
- Illunik anginerusunik pingaaruteqarnerusunilluunniit isaterilinnginnerni.
Kommunimut pilersaarummut tapiliussaq marlunnik immikkoortortaqarpoq, nassuiaatitaa aamma aalajangersagartaa.
- Nassuiaatitaani pilersaarummi siunertat inatsisitigullu sunniutit aamma immikkoortup ilaanut pilersaarusiornernut allanut qanoq inissisimasoqarnera allaaserineqarput.
- Aalajangersagartaani pilersaarutip piviusunngortinneqarnissaanut tunngatillugu aalajangersakkat malinneqartussat allassimapput. Aalajangersakkat aalajangersakkanut pingaarnernut sukumiisunullu agguataagaapput. Aalajangersakkat tamarmik inatsisitigut pituttuisuupput, taamaattorli immikkut ittumik pisoqartillugu aalajangersakkanit sukumiisunit immikkut ittumik akuersissuteqartoqarsinnaavoq. Tamatuma saniatigut aalajangersagartaa nunap assinganik pituttuisumik imaqarpoq.
- Nunap assingi
- Aalajangersakkat sukumiisut immikkoortup ilaani pissutsit killeqarfinnut sanaartorfissanullu tunngasut takutippaat. Nunap assinga pituttuisuuvoq
- Nunaminertanik atuinissamut nunap assingani immikkoortup ilaa qanoq oqartussaaffigineqarnersoq takutinneqarpoq. Nunap assinga aalajangersakkat sukumiisut pillugit nunap assinganut ataqatigiilluinnartuuvoq pituttuisuullunilu.
- Titartakkat iluliat atortulersuutillu qanoq ilusilersorneqarsinnaanerannik assersuutinik takutitsipput. Titartakkat najoqqutassaapput pituttuisuunatillu.
Tamanut saqqummiussineq
Kommunimut pilersaarummut tapiliussap inaarutaasumik akuerineqannginnerani tapiliussamut siunnersuummik kommunalbestyrelse tamanut saqqummiussissaaq, taamaalillutik innuttaasut soqutigisaqaqatigiillu pilersaarutip imarisaanik ujarlersinnaallutik immaqalu aamma pilersaarut pillugu oqaaseqaateqarsinnaallutik akerliussuteqarsinnaallutilluunniit. Tamatuma kingorna pilersaarutip inaarutaasuik akuerineqannginnerani akerliussutaasinnaasut aamma allannguutissatut siunnersuutaasinnaasut Kommunalbestyrelsip nalilersussavai.
Siunnersuut, Kommunimut pilersaarummut tapiliussaq 4A9-1 piffissami 13.3.2019 – 8.5.2019 tungaanut tamanut tusarniaassutigineqarpoq. Oqaaseqaatit kingusinnerpaamik 8.5.2019 uunga nassiunneqassapput:
Imaluunniit uunga:
Kommuneqarfik Sermersooq
Sanarfinermut Avatangiisinullu Ingerlatsivik
Postboks 1005
3900 Nuuk
Pilersaarut sumi atuarneqarsinnaava?
Pilersaarut Nunatta Atuagaateqarfiani imaluunniit kommunip nittartagaani www.sermersooq.gl atuarsinnaavat aamma kommunimi innuttaasunik sullissivimmut imaluunniit Sanarfinermut Avatangiisinullu ingerlatsivimmut, Kuussuaq 2, 3900 Nuuk, telefon 36 74 31, saaffiginninnikkut pissarsiarisinnaavat.