Aninagasaqarnermut Inuussutissarsiornermullu Ataatsimiititap apriilip 28-ianni 2022 aalajangerpaa, kommunimut pilersaarummut tapiliussatut siunnersuut 4E5-2 tamanut tusarniaassutigineqassasoq.
Siunertaa
Kommunimi pilersaarummut tapiliussamut siunnersuummi siunertaavoq E-sumiiffiup pioreersup tamanit atorneqarnissaanut aalajangiinissaq, teknikkimut atortunut aammalu atortulersuutit pisariaqartut, pilersuinermi suliffeqarfiit aamma sullissinermi atortulersuutit
Immikkoortup ilaa immikkuualuttunut marlunnut agguataagaavoq:
Immikkuualuttoq 1 kiassaateqarfiup pioreersup inissisimaffia. Siunertamut tassunga alliliinissaq periarfissiissutigineqarpoq.
Immikkuualuttoq 2-mi paasissutissanut sullissivimmik tassungalu attuumassuteqartumik atuuffilinnik pilersitsisoqarsinnaavoq.
Immikkuualuttuni marluusuni sanaartukkat tallissutaannik nappaasoqarsinnaavoq, ataatsimik quleriilimmik, qulisaqartinnissaanik periarfissiilluni, portunerpaaffissaa 10 m.
Sanaartukkat silataat Nuffit tungaanut aniinganeqartillugit, atortut taarseraattumik, igalaarsuartaqarlutik imaluunniit eqqumiitsuliatut isikkulimmik iluseqartillugit sananeqassallutik. Sanaartornermut atatillugu nipiliortitsinerit, Isuliffiup tungaani sanaartukkanut samminngitsumi inissinneqassapput.
Tamanut oqallisissiaq
Pilersaarutitut siunnersuut piffissami 05. majimiit 29. juuni 2022-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput juuni 29-at 2022 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.