Aninagasaqarnermut Inuussutissarsiornermullu Ataatsimiititap novembariip 12-ianni 2021 aalajangerpaa, kommunimut pilersaarummut tapiliussatut siunnersuut 4B7-1 tamanut tusarniaassutigineqassasoq.
Siunertaa
Kommunimut pilersaarummut tapiliussatut siunnersuummi 4B7-1 Nuummi Atortussiassanik Suliaqarfik, juunip aallaqqaataanni 2021-imi kommunalbestyrelsimit pilersaarutitut siunnersuutitut akuersissutigineqartoq periarfissaalissaaq.
Pilersaarummut ilanngullugu immikkoortup ilaa 4B7 immikkoortinneqarpoq, tassanilu atortussiassanik suliaqarfimmik pilersitsisoqarsinnaavoq, ujaqqanik sioqqanillu tulaassuiffiullunilu nassiussisarfeqassalluni, aserorteriveqassalluni aammalu atortussiassanik immikkoortiteriveqassalluni, atortussiassanillu assigiinngitsunik inaalitsiviussalluni. Atortussiassat inaalitsivinnut qarmakkanut immikkoortitigaassapput. Tamatuma saniatigut pilersaarummi umiarsualiviliornissaq, illunillu ataasiakkaanik suliffeqarfimmut atasunik sananissaq periarfissaalissaaq.
Tamanut oqallisissiaq
Siunnersuut sapaatip-akunnerini 8-ini tamanut tusarniaassutigisassanngorlugu saqqummiunneqassaaq, piffissami 22. novembari 2021 – 17. januaari 2022.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput januaari 17-at 2022 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.
PDF: Kommunimut pilersaarummut tapiliussatut 4B7-1 NIAQORNANNGUAQ NUUK siunnersuut