Aninagasaqarnermut Inuussutissarsiornermullu Ataatsimiititap aggustip 21-ianni 2023 aalajangerpaa, kommunimut pilersaarummut tapiliussatut siunnersuut 4A8-2 tamanut tusarniaassutigineqassasoq.
Siunertaa
Kommunimut pilersaarummut tapiliussaq 4a8-mut iluarsiissutaavoq, immikkoortullu ilaani inissianik amerlanerusunut sanaartornissamut pingaarnertut periarfissiinissaq kiisalu nunami inissisimanerat pissusissamisoornersoq sanaartorfissagissaanerlu najoqqutarineqarnersoq qulakkeerumallugu sanaartorfissat pioreersut inissisimaneranik nalilersuinissaq pingaarnertut siunertarineqarput.
Immikkoortup ilaa Qinngutsinni inissisimavoq, sanaartorfigineqarnikuunanilu. Kommunimut pilersaarutissatut siunnersuummi aalajangersarneqarpoq, immikkoortup ilaa 4A8 inissiaqarfissatut atorneqassasoq, ilaqutariillu ataatsit illuinik illullu affarleriikkaanik quleriinnillu illuliornernermut inissaqarpoq.
Tamanut oqallisissiaq
Pilersaarutitut siunnersuut piffissami 2023-mi 28. aggusti – 28. oktobarip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput oktobarip 28-anni 2023 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani www.sermersooq.gl-imi tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.