Illoqarfimmik Inerisaaneq

Kommunimut pilersaarummut tapiliussatut 3E5-6 Nuuk Airport, Nuuk siunnersuut

4 months tilbage

Aninagasaqarnermut Inuussutissarsiornermullu Ataatsimiititap decembarip 12-ianni 2023 aalajangerpaa, kommunimut pilersaarummut tapiliussatut siunnersuut 3E5-6 tamanut tusarniaassutigineqassasoq.

Siunertaa

Kommunimut pilersaarummut tapiliussaq suliarineqarpoq Nuummi nunanit allanit tikittarfissamik mittarfimmik ammaanermi mittarfeqarfimmik siunertamut naapertuuttumik ineriartortitsineq qulakkeerniarlugu. Immikkuualuttup iluani nunaminertat mittarfimmut attuumassuteqartunik inuussutissarsiutinut sullissinernullu atugassiaapput.

Pilersaarummi siunertat tunngaviillu:

  • Mittarfiup tallineqarnissaanut sinaakkutit qulakkeerneqarnissaat taavalu mittarfik 2200 meterinngorlugu tallineqassasoq
  • Immikkuualuttoq B-mi tikittarfissamik/aallarfissamik, allaffissamik, hangarimik il.il. nutaanik sananissamut aalajangersakkat sanaartorfissallu qulakkeerneqassasut
  • Immikkoortup ilaani C-mi piffissakkuutaartunik sanaartugassatut atugassiinissaq.
  • Immikkuualuttoq D-mi kiisalu toqqorsiveqarfissani nunaminertani F1-imi F2-milu aalajangersakkat nunallu isikkussaasa qulakkeernissaat. 
  • Immikkuualuttuni E1-imi E2-milu erngup nukinganik nukissiorfissamut nutaamut ajutoortoqarneranilu nukissiorfissamut aalajangersakkat sanaartorfissallu qulakkeernissaat
  • Immikkoortup ilaata killinga iluarsineqassasoq.

Tamanut oqallisissiaq

Pilersaarutitut siunnersuut piffissami 20. decembarip 2023-ip – 14. februaarip 2024-ip tungaanut tamanut tusarniutigineqassaaq.

Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.

Oqaaseqaatit akerliliissutillu Kommuneqarfik Sermersuumi tiguneqareersimassapput februarip 14-at 2024 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl   

Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.


Inatsisinut tunngasut

Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.

Pilersaarut uani atuarneqarsinnaavoq

Kommunimut pilersaarummut tapiliussamut siunnersuut kommunip nittartagaani tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.